لاہور۔19ستمبر (اے پی پی ) سر وزیر پنجاپ سردار عثمان بزدار ڈیرہ غازی خان ءِ تحصیل کوہ سلیمان ءِ دور ءُ گستائیں دمگ عافی بندکا ءِ تر ءُ تاب کت، آ اولی سر وزیر انت کہ دور ءُ گستائیں دمگ عافی بند ءِ تر ءُ تاب ءِ کتگ، سئے ھزار فٹ بُرزی ءِ سر ءَ۔ اے کوچگ عافی بند کوہ سلیمان ءِ برزتریں دمگ انت، اسپتیں کوہ بلٹ گوشگ بنت معدنیات ءِ ھزانگ اے کوہ آنی تہ ءَ چیر انت، اسپیتیں کوہ گران بھائیں مڈی آں چہ مالا مال انت بلے اے دمگ ءَ آپ نیست، کوہ سلیمان ءِ دمگ عافی بند ءَ اولی رنگ ءَ یک سر وزیر ءِ اے دمگ ءَ شتگ ءُ ھندی مردم آں گوں گند ءُ نند ءِ کتگ۔ سر وزیر عثمان بزدار ءُ آئی ٹیمب ءَ را پس ءِ شیر ءِ سر ءَ جوڑ کتگیں چاہ پیش کنگ بوت۔ سر وزیر مردم آں گوں دود ءُ دُراھ بوت ءُ مردم آں آرا وتی وتی جیڈھ آنی بابت ءَ سرپد کت۔ ایڈیشنل چیف سیکرٹری سائوتھ پنجاپ، کمشنر ڈیرہ غازی خان ڈویژن ، آر پی او ڈیرہ غازی خان ءُ سیادی داروکیں کارندہ ھم سر وزیر ءِ ھمبراہ اتنت۔
