تاپی گیس پائپ لائن منصوبگ زوت سرجم کنگ بیت، اے منصوبگ پاکستان ءُ ترکمانستان ءِ نیام ءَ یکوئی آناں گیش برجم جوڑ کنگ ءِ واستہ جوانیں گامگیج ءِ سہرا بیت
اسلام آباد ۔ 18 ستمبر (اے پی پی) صدر مملکت ڈاکٹر عارف علوی ءَ تاپی گیس پائپ لائن منصوبگگ ءِ زوت سرجمی ءِ پد ءَ زور پر دیان ءَ گوشت کہ اے منصوبگ پاکستان ءُ ترکمانستان ءِ نیام ءَ یکوئی آناں گیش برجم جوڑ کنگ ءِ واستہ بن ھشتی سنگ ءِ سہرا بیت۔ اے ھیالانی درشانی آئی ءَ آدینگ ءِ روچ ءَ ترکمانستان ءِ صدر قربان علی محمدوف ءَ گوں ٹیلی فون ءِ سر ءَ تران کنان ءَ کت۔ دوئیں سروک آں جتا جتائیں شوبگ آنی تہ ءَ استیں دوئیں نیمگی یکوئی آنی سر ءَ دل یکیمی ءِ درشان کنان ءَ تجارت، معیشت ءُ ھاٹیگ ءِ شوبگ ءَ کمک آناں گیش دیمروئی دیگ ءِ ضلورت ءِ سر ءَ زور پر دات۔ دوئیں سروک آں پاک ۔ ترکمانستان دو نیمگی یکوئی ، تاپی گیس پائپ لائن منصوبگ ءُ ٹی اے پی پاور ٹرانسمیشن لائنز آنی بابت ءَ ھیال ریچی کت۔ صدر ءِ مملکت ڈاسکٹر عارف علوی ءَ تاپی گیس پائپ لائن منصوبگ ءِ زوت سرجمی ءِ بابت ءَ زور پر دیان ءَ گوشت کہ اے منصوبگ ءَ چہ دوئیں ملک آنی نیام ءَ دو نیمگی یکوئی آناں گیش برجم کنگ ءَ کمک رسیت۔ آئی ءَ گوشت کہ چین۔ پاکستان اقتصادی راہداری دمگی رابطہ آناں دیمروئی دنت ءُ پڑ ءِ ملک ھاسیں رنگ ءَ اوگانستا ءُ نیامی ایشیائی ملک آناں دگ ءُ ریلوے انفراسٹرکچر ءَ چہ سک باز سیت رسیت۔ آئی ءَ گوشت کہ گوادر دکہ ءُ ترکمان باشی ءِ دکہ ءِ نیام ءَ یکوئی ءِ وت مہ وتی منگ نامہ آناں زوت پکو کنگ ءِ شور ءُ سلاھ دات۔
