اسلام آباد ۔ 18 ستمبر (اے پی پی) بنجاھی وزیر ھاٹیگ عمر ایوب خان ءُ مزن وزیر ءِ ھاسیں کمکار برائے پٹرولیم ندیم بابت ءَ گوں پٹرولیم گس ءَ سر وزیر بلوچستان جام کمال خان ءَ آدینگ ءِ روچ ءَ گند ءُ نند کت۔ گند ءُ نند ءَ حکومت بلوچستان ءُ پٹرولیم ڈویژن ءِ ٹوھیں اپسرگ آں بھر زوری کت۔ آئی ءَ گوشت کہ پٹرولیم ءِ شوبگ ءَ گوں سیادی داروکیں جیڈح آنی سر ءَ ھیال ریچی کت ءُ بلوچستان ءَ میاں اوستمانی یکجائی منصوبگ آنی بابت ءَ جاڑیگیں چست ءُ ایر آنی سر ءَ چار ءُ تپاسی زرت۔ پریکیں مردم آں ٹیل ءُ گیس ءِ شوبگ ءَ ھوار ھاٹیگ ءَ فیڈریشن ءُ صوبگ ءِ نیام گئَ وت مہ وتی کمک آناں جاڑی دارگ ءِ سر ءَ تپاک کت۔ بنجاھی وزیر ءُ ھاسیں کمکار آں سر وزیر بلوچستان ءَ را ٹیل ءُ گیس ءَ پٹ ءُ پول ءُ پیداوار ءِ چست ءُ ایر آنی ھواری ءَ ٹیل ءِ شوبگ ءِ ھوالگ ءَ بنیاتی کوکا ءِ دیمروئی منصوبگ آںی جاور ھال ءُ دیمروئی آنی ھوالگ ءَ سرپد کت۔
