اسلام آباد ۔ 18 ستمبر (اے پی پی) سپیکر راجی اسمبلی اسد قیصر ءَ بھارتی گیر کانودی مقبوضہ جموں کشمیر ءَ بھارتی اُرد ءِ نیمگ ءَ جاڑٰیگیں بنی آدمی ھک آنی ھلاپ ءِ دست مانجنی آناں سہرا کنگ ءِ ضلورت ءِ سر ءَ زور پر داتگ، آئی ءَ گوشت کہ پاکستان ءَ ڈنی سرمایہ کاری ءِ واستہ آسٹریا ءُ ایندگر یورپی ملک آنی تہ ءَ جوانیں پجار ءِ سہرا کنگ ءِ ضلورت انت۔ اے ھیال آنی درشانی آئی ءَ آسٹریا ءِ واستہ نامینتگیں سفیر آفتاب احمد کھوکھر ءَ گوں تران کنان ءَ کت آئی ءَ آدینگ ءِ روچ ءَ پارلیمنٹ گس ءَ آئی ءَ گوں گند ءُ نند کت۔ سپیکر راجی اسمبلی ءَ گوشت کہ پاکستان آسٹریا ءِ گوما وتی یکوئی آناں سک باز ارزشت دنت، ایش وت مہ وتی شرپ ءُ ازت ءُ ارزشتی ایں میاں اوستمانی کار آنی رد ءَ یکیں بن گپ ءِ سر ءَ انت۔ آئی ءَ گوشت کہ پاکستان ءَ کشت ءُ کشار ءُ ھاٹیگ ءِ شوبگ ءَ سرمایہ کاری ءِ بازیں موہ است انت۔ آئی ءَ نامینتگیں سفیر ءَ را آسٹریا ءِ سرمایہ کاری ءَ را اے شوبگ ءَ سرمایہ کاری کنگ ءِ واستہ دلگوشت کنگ ءِ ضلورت ءِ سر ءَ زور پر دات۔ آئی ءَ آسٹریا ءَ استیں پاکستانی نودربر آناں ھم ھمک رنگیں سفارتی کمک پجاری ءِ پنت ءُ شون کت۔
