اسلام آباد۔ 18 ستمبر (اے پی پی) قومی ایئر لائن پی آئی اے سعودی عرب کن مسافر آتا بے پناہ رش انا سوب آن سعودی انتظامیہ غان پین 28 جہاز آتا موکل خواہسونے۔ ترجمان پی آئی اے عبداللہ خان نا کنڈآن جاری اعلامیہ نا رداٹ 15 ستمبر آن موکل ملنگ تون پی آئی اے سعودی عرب کن بکنگ نا بناءِ کریسس۔ کورونا نا سوب آن پی آئی اے نا آپریشن ہفتہ وار 23 جہاز آتسکان محدود مسوسس۔ بکنگ کن بے کچ رش انا سوب آن پی آئی اے سعودی انتظامیہ غان پین 28 جہاز آتا موکل خواہسونے۔ ترجمان پارے کہ اسہ آن اِرادے اٹی موکل نامہ نا گمانی ءِ اوکان پد فلائیٹ آپریشن ءِ ودفنگک۔ دا چرجوئی ٹی پی آئی اے انتظامیہ سعودی کمامدار آتون پدریسہ رابطہ ٹی ءِ، پین جہاز آتیکن تیاری کرینے، موکل ملنگ تون بکنگ کن دستیاب مریک۔
