اسلام آباد۔ 18 ستمبر (اے پی پی) وزیراعظم نا خصوصی کمکار حوالکاری و شینکاری و چیئرمین سی پیک اتھارٹی لیفٹیننٹ جنرل (ر) عاصم سلیم باجوہ پارینے کہ ریکوڈک کیس اٹ جہانی بینک ٹربیونل نا پاکستان نا حق اٹ فیصلہ بھلو ریلیف اسے، ٹربیونل پاکستان ءِ 6 ارب ڈالر جرمانہ ادا کننگ آن تورینے۔ جمعہ نادے آ تینا ٹویٹ اٹی لیفٹیننٹ جنرل (ر) عاصم سلیم باجوہ پارینے کہ وزیراعظم کانڑکنی نا بشخ انا شفاف وڑاٹ شونداری نا رفتار ءِ ترند کننگ، ڈھانچہ جاتی نظام، گچین ٹیکنالوجی، ہندی زرکارآتا شمولیت و تینا انسانی وسیلہ غاتا شونداری کن بلوچستان حکومت نا پبی کمکاری نا پارت کرینے۔
