اسلام آباد۔ 17 ستمبر (اے پی پی) قومی فضائی کمپنی (پی آئی اے) سعودی عرب آ ہنوک آ مسافر آتیکن خصوصی جہاز آتا بناءِ کرینے۔ قومی ایئر لائن نا ترجمان عبداللہ خان نا کنڈآن جاری اعلامیہ نا رداٹ سعودی حکومت نا کنڈآن سفری پابندی تیٹی نرمی آن پد پی آئی اے مسافر آتا بکنگ نا بناءِ کرینے۔ پی آئی اے نا سعودی عرب نا آپریشن فعال ئس ولے داسہ پاکستان آن مسافر آک ہم ہِننگ کیرہ۔ پی آئی اے پاکستان آن سعودی عرب نا ہفتہ وار 23 جہاز چلیفنگ ءِ۔ 30 ستمبر اسکان جدہ، مدینہ، ریاض و دمام کن پین 28 جہاز آتا موکل ہم طلب کننگانے۔ ہموغٹ مسافر آک ہرافتے تون سعودی عرب نا ہنکینی، اقامہ ہولڈر یا وزٹ ویزہ ارے او سعودی عرب نا سفر ءِ کننگ کیرہ۔ ترجمان پارے کہ سعودیہ غا ہنوک آ مسافر آتے 48 گھنٹہ نا تہہ ٹی کورونا نا منفی ٹیسٹ فراوان کننگ المی مریک۔
