اسلام آباد۔17ستمبر(اے پی پی) نیشنل کمانڈ اینڈ آپریشن سینٹر (این سی اوسی ) کورونا دین انا بابت تازہ انگا حساب وکتاب ءِ جاری کرینے۔ پنچ شنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی کورونا نا 545 ناجوڑ آتا ٹیسٹ مثبت بس و 6 ناجوڑ مچ آ ملک انا ہسپتال آتیٹی زوال کریر۔ تدوک آ 24 گھنٹہ ٹی کوویڈ۔ 19 نا 31 ہزار 808 ٹیسٹ کننگا ہرافتیان سندھ اٹی 13 ہزار 314، پنجاب اٹی 11 ہزار 409، خیبر پختونخوا ٹی 2 ہزار 435، اسلام آباد اٹی 3 ہزار 52، بلوچستان اٹی 656، گلگت بلتستان اٹی 753، آزاد کشمیر اٹی 455 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 2 لکھ 91 ہزار 169 مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم وینٹی لیٹر اف وخت اس کہ مچ آ ملک اٹی کوویڈ۔ 19 کن جتا 1 ہزار 912 وینٹی لیٹر آتیا 102 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 6 ہزار 66ءِ مچ آ ملک اٹی کورونا وائرس آن زہمی بندغ آتا کچ 3 لکھ 3 ہزار 634 ءِ ہرافتیان آزاد کشمیر اٹی 2 ہزار 451، بلوچستان اٹی 13 ہزار 798، گلگت بلتستان اٹی 3 ہزار 336، اسلام آباد اٹی 16 ہزار 5، خیبر پختونخوا ٹی 37 ہزار 185، پنجاب اٹی 98 ہزار 41 و سندھ اٹی 1 لکھ 32 ہزار 818 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 399 ءِ ہرافتیان سندھ اٹی 2 ہزار 451 وخت اس کہ بیست ءُ چار گھنٹہ ٹی 3 بندغ ہسپتال آتیٹی دا دین انا سوب آن زوال کریر۔ پنجاب اٹی 2 ہزار 223 مرک مس وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتیٹی دا دین آن زوال کریر، خیبر پختونخوا ٹی 1 ہزار 257، اسلام آباد اٹی کل 178، بلوچستان اٹی 145، گلگت بلتستان اٹی 79 مرک مس۔ آزاد کشمیر اٹی دا دین آن 66 مرک مسنے۔ داتم اسکان مچ آ ملک اٹی کوویڈ۔ 19 نا 30 لکھ 56 ہزار 795 ٹیسٹ کننگا۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 998 ناجوڑ درمان مننگ ءُ۔
