اسلام آباد۔ 17 ستمبر (اے پی پی) خصوصی کمکار راجی رکھ و تخفیف نیزگاری ڈاکٹر ثانیہ نشتر پارینے کہ احساس ایمرجنسی کیش زرتس انا آخیریکو 15 دے بائیو میٹرک پک کننگ اٹ بے سہبی آن دوچار صارف آتا آسراتی کن پوسکن ءُ ویب پورٹل اس ملنگانے۔ تینا ویڈیو بیان اٹی ڈاکٹر ثانیہ نشتر پارے کہ دا صارف آک احساس ویب پورٹل نا لنک http://complaints.pass.gov.pkآوزٹ کننگ کیرہ۔ احساس ایمرجنسی کیش انا رداٹ ریگولر زرتس 15 ستمبر 2020 ء آ بند مسنے۔ ہمو اہل صارف ہرافتے ہورتانشان آتا پک کننگ نا ویل مون تروک ءِ اوفتے کیش زرتس 30 ستمبر 2020 اسکان برجاسلک۔ ہمو حقدار خاہوت ہرافتے ٹی کمکی زر انا اہل بندغ آک کزیت کرینو، اوفتے ہم کیش زرتس 30 ستمبر 2020 ء اسکان برجاسلک۔ صارف آک بھاز آسان وڑوڈول اٹ تینا درخواست آتے رجسٹرڈ کرفنگ کیرہ ، بائیو میٹرک پک کننگ اٹ بے سہبی نا گواچی صارف آک آن لائن پورٹل آ فارم اٹ تینا شناختی کارڈ و فون نمبر ءِ درج کیر۔ فارم جمع مننگ تون تعلقدار صارف ءِ اسہ خودکار وڑوڈول اسے اٹ جنریٹیڈ ٹریکنگ نمبر ملک۔ دا پورٹل نا کمک اٹ درخواست تروک آ صارف آتے بینک آتا برانچ آتیٹی زرتس 30 ستمبر اسکان برجاسلک۔
