علاقائی شونداری کن پاکستان و چین نا نیام اٹ کمکاری آخبت اٹ پین سوگو مریک
اسلام آباد۔ 17 ستمبر (اے پی پی) وزیراعظم نا سلاہکار خزانہ و محصولات ڈاکٹر عبدالحفیظ شیخ پارینے کہ علاقائی شونداری کن پاکستان وچین نا نیام اٹ کمکاری آخبت اٹ پین سوگو مریک۔ داہیتءِ او پاکستان اٹ چین نا سفیریاؤ جنگ تون پنچ شنبے نادے آ داڑے اوڑدہی ٹی پارے۔ اوڑدہی ٹی پاکستان و چین نا نیام اٹ تین پہ تینی است خواہی نا بابت باندات آ گپ وتران کریر۔ ڈاکٹر عبدالحفیظ شیخ چینی سفیر نا خذمت آتا ستاءِ کرے۔ اوپارے کہ پاکستان و چین سنگت و ایلم ملک ءُ۔ ہڑتوم آ ملک آتا نیام اٹ چندی بشخ آتیٹی بے مٹ تعلقداری و کمکاری نا چرجوئی برجاءِ۔ اوپارے کہ علاقائی شونداری کن ہڑتوم آ ملک آتا نیام اٹ کمکاری آخبت اٹ پین سوگو مریک۔
