ملتان۔ 17 ستمبر (اے پی پی) وزیراعلیٰ پنجاب سردار عثمان بزدار (اینو) پنچ شنبے نادے آ ملتان اٹ بھاز اختہ ءُ دے اس گدریفک۔ وزیراعلیٰ عثمان بزدار تون ایڈیشنل چیف سیکرٹری ساؤتھ پنجاب و سویلی پنجاب سیکرٹریٹ اٹ تعینات سیکرٹری تتون اوڑدہی کیک۔ وزیراعلیٰ عثمان بزدار پارلیمنٹ نا باسک و صنعت کار آتون ہم اوڑدہی کیک۔ وزیراعلیٰ نشتر میڈیکل یونیورسٹی و نشتر ٹو ہسپتال نا ڈٹ آتیا پیش رفت نا جاچ ءِ ہلیک۔ او (اینو) پنچ شنبے نادے آ یونیورسٹی آف انجینئرنگ نا پوسکن آ کیمپس نا بنداو ءِ تخک۔ وزیراعلیٰ وکلا برادری نا مچی آن تران کیک و وکیل آتیکن پیکج نا پڑو ءِ ہم کیک۔ او (اینو) پنچ شنبے نادے آ میڈیا نا نمائندہ غاتون ہم گپ وتران کیک۔ وزیراعلیٰ عثمان بزدار خصوصی بندغ آتے پوسکن ءُ وہیل چیئرجوڑ کننگ نا سینٹر نا بنداو ءِ تخک۔ زالبول آتیا بیدادی نا واقعہ غاتا توننگ کن جوڑ سینٹر و منشیات نا عادتی بندغ آتا بحالی نا ہند انا ہم دورہ ءِ کیک۔ وزیراعلیٰ عثمان بزدار پاکستان تحریک انصاف نا عہدیدار و کارندہ غاتون ملک و شجرکاری مہم نا چرجوئی ٹی پیلکان ایونیو ٹی نیال اس خلیک۔
