پاکستان کشمیر ءِ جوانیں گیواری ءِ واستہ کشمیری الس ءِ گوما ھمگام ءَ اوشتاتگ، دگنیا ءِ درستاں چہ مستریں جمہوریت ءِ واھوند ہندوستان مقبوضہ کشمیر ءَ ریاستی ناشرکاری کنگ ءَ انت، ہندوستان ءَ بزگیں ءُ کودکیں کشمیری آناں بندشیں کوھ آنی سر ءَ اوشتارینتگ، مقبوضہ کشمیر ءَ اھوالکار آنی گوانک ڈگار ءَ جنگ بوھگ ءَ انت، ہندوستان ءَ پڑ ءِ ایمنی ءَ را تباہ کنگ ءِ کوشت ءَ انت

بنجاھی سیکرٹری ا ھوالکاری ءُ شنگ کاری اکبر حسین درانی ءِ پینل سول ءُ تران آنی تہ ءَ ھیال آنی درشانی
اسلام آباد ۔ 16 ستمبر (اے پی پی) بنجاھی سیکرٹری اھوالکاری ءُ شنگ کاری اکبر حسین درانی ءَ گوشت کہ پاکستان کشمیر ءِ جوانیں گیواری ءِ واستہ کشمیری الس آنی گوما ھمگام ءَ اوشتاتگ، دگنیا ءِ درستاں چہ مستریں جمہوریت ءِ واھگ دار ہہندوستان مقبوضہ کمشیر ءَ ریاستی ناشرکاری کنگ ءَ انت، ہندوستان ءَ بزگیں ءُ کودکیں کشمیر آناں بندش جتگیں کوھ آںی سر ءَ اوشتارینتگ، مقبوضہ کشمیر ءَ اھوالکار آنی گوانک ءَ را ڈگار ءَ جنگ بوھگ ءَ انت، ہندوستان پڑ ءَ ایمنی ءَ را تباہ کنگ ءِ واستہ کوشست کنگ ءَ انت، پاکتان ءِ اندر ءَ ھم ناشرکاری ءَ ہندوستان کلبھوشن یادیو ءِ رنگ ءَ یک شل ءَ دست مانجن انت۔ آ چار شمبے ءَ وزارت ءِ اھوالکاری ءُ شنگ کاری ءِ چیر دستی ءَ “دمگی ءُ میاں اوستمانی رد ءَ ہندوستان ءِ درئی پالیشی ءَ را ڈی کوڈنگ “بن گپ ءِ سر ءَ پینل سول ءُ تران ءِ تہ ءَ ھیال آنی درشانی ءَ کنگ ءَ ات۔ اے گند ءُ نند ءِ تہ ءَ پیسریگں سیکرٹری درئی کار ریاض حسین کھوکھر، سلیمان بشیر ، پیسریگیں سفیر عزیز احمد خان ءُ آصف درانی ءَ ہندوستان ءِ درئی پالیشی، مقبوضہ کشمیر ءِ گیر کانودی آوار جنگ ، پاکستان ءِ سر ءَ چمشانک دات۔