اسلام آباد ۔ 16 ستمبر (اے پی پی) مزن وزیر عمران خان ءَ گوشت کہ پاکستان ءَ سسٹم ءِ سبب ءَ ٹیلنٹ سہرا نہ بیت، کرکٹ ءِ استیں نظام ءَ را جوان کنگ ءِ گہتر ضلورت انت، مقابلہ ءِ سبب ءَ جوانیں ٹیلینٹ دیم ءَ کئیت، ورنائیں لیبی ءَ را دیم ءَ آرگ ءِ واستہ موہ پجاری کنگ لوٹ ایت، ما ٹیلینٹ ءَ را دیم آیگ ءِ واستہ سسٹم ءُ کرکٹ ءِ کوکا ءَ شر بکن آں گڈا پاکستان ٹیمب مھکمیں ٹیمب ءِ بیت ۔ اے ھیالانی درشانی آئی ءَ چار شمبے ءَ ادا پاکستان ٹیلی وژن ءُ پاکستان کرکٹ بورڈ ءِ نیام ءَ شنگ ءُ تالانی ھک ءِ ھوالگ ءَ منوگری آنی سر ءَ دست چنگل ءِ مراگش ءَ گوں گشتانک دیان ءَ کت۔ مراگش ءَ مزن وزیر عمران خان ، بنجاھی وزیر زرّئی کار علی زیدی، مزن وزیر ءِ ھاسیں کمکار برائے زرّ ءَ آدیم نندوکیں پاکستانی زلفی بخاری، چئیرمین پاکستان کرکٹ بورڈ احسان مانی ءُ چئیررمین پی ٹی وی ارشد خان شریک اتنت۔ مزن وزیر ءَ گوشت کہ پی ٹی وی لیب ءُ ھاسیں کرکٹ ءِ کوریج ءَ دیم ءَ بہ ایت۔ کرکٹ ءِ دیمروئی ءِ ھوالگ ءَ اے منوگری سک باز ارزشتی انت۔ مزن وزیر ءَ گوشت کہ من ھرچی کرکٹ لیب کتگ ھمے دیستگ کہ پاکستان اندر ءَ ٹیلینٹ سک باز انت ، اے ٹیلینٹ دیم ءَ نیا انت۔ اگاں ما ٹیلنٹ ءَ را دیم ءَ سسٹم ءُ کرکٹ ءِ کوکا ءَ شر بکن آں گڈا پاکستان ناقابل شکستیں ٹیمب ءِ بیت۔ مزن وزیر ءَ گوشت کہ ما لوٹاں کہ ڈیجیٹلائزیشن ءِ نیمگ ءَ بہ رواں۔ ھرچُند شرتریں سکرین ءَ گندگ بیت مردم گیشاں چہ گیش لیب ءَ چہ مزہ چست کت کناں۔
