ہری پور۔ 16 ستمبر (اے پی پی) بنجائی وزیر توانائی عمر ایوب خان حطار نا ہند آ 900 کروڑ روپئی نا بھلو فنڈنگ اسے آن 220 کے وی اے کے گریڈ اسٹیشن نا منظوری ءِ تس۔ بنجائی وزیر عمر ایوب خان تعلقدار آفیسر آتون اوار ہندا جاگہ نا اناگت دورہ ءِ کرسا جاچ ءِ ہلکونے۔ بنجائی وزیر توانائی ، پٹرولیم و قدرتی وسیلہ عمر ایوب خان ہری پور حطار نا ہند آ 220 کےوی اے گریڈ اسٹیشن نا جوڑ کننگ نا منظوری ءِ تس ہراڑکن او 900 کروڑ روپئی نا بھلو فنڈ اس تخانے وخت اس کہ گریڈ اسٹیشن نا جوڑ کننگ کن 240 کینال ڈغار ہم ایکوائر کننگانے۔ بنجائی وزیر عمرایوب خان ہندا ہند انا دورہ ءِ کرینے۔ داوخت آ چیف این ٹی ڈی سی محمد عارف، ایکسین این ٹی ڈی سی نعیم الرحمان، ایس سی ہزارہ سرکل قاضی طاہر، ایڈیشنل ایس ای سردار ساجد، ایکسین ہری پور عنایت اللہ و ایلوتعلقدار آفیسر آک ہم ساڑی ئسر ہرافک گریڈ اسٹیشن نا جوڑ کننگ نا بابت بنجائی وزیر عمر ایوب خان ءِ سرجم حوال تسر۔ داوخت آ ہندی بندغ آتا بھلو کچ اس ہم ساڑی ئسر ہرافک حلقہ ٹی ہندا میگا پروجیکٹ نا منظوری ءِ تننگ آ بنجائی وزیر عمر ایوب خان ءِ جوان انگا لوز آتیٹی خراج تحسین پیش کریر۔
