کوئٹہ۔ 16 ستمبر (اے پی پی) وزیراعلیٰ بلوچستان جام کمال خان پولیس نا خورک آسامی تیا ٹیسٹ آتے تعلقدار ضلع غاتیٹی اڈترفنگ نا پارت کرسا پارینے کہ الس ءِ روزگار نا دوئی کننگ کن آسانی و آسراتی تننگ حکومت نا اولی زمواری ءِ۔ چارشنبے نادے آ ترجمان وزیراعلیٰ بلوچستان نا جاری کروک بیان نا رداٹ وزیراعلیٰ بلوچستان جام کمال خان انسپکٹر جنرل پولیس بلوچستان محسن حسن بٹ ءِ پارت جاری کرے کہ پولیس نا خورک آسامی تا ٹیسٹ آتے ڈویژنل ہیڈکوارٹر آتیٹی اڈتننگپ انتئے کہ کورونا وائرس نا ساڑی حالیت آتیٹی ڈویژنل کہول آ خورک آسامی تا ٹیسٹ آتا اڈتننگ جوان اف و الس ءِ روزگار نا دوئی کننگ کن آسانی تروئی ءِ داعمل ءِ مشکل کروئی اف۔ وزیراعلیٰ بلوچستان جام کمال خان پارے کہ پولیس نا خورک آسامی تیا بھرتی نا عمل اٹ اومیتدار آتا آسراتی و ایلو غٹ سوب آتا خصوصی وڑاٹ خیال ءِ تخنگے۔
