مزن وزیر عمران خان ءِ سروکی ءَ بنجاھی کابینہ ءِ دیوان ، سینیٹ، راجی ءُ صوبائی اسمبلی آنی گچین بوھوکیں باسک آنی سوگند ءِ واستہ 60 ءَ چہ 90 روچ ءِ وھد ءُ پاس گیشینگ ءِ واستہ الیکٹورل ایکٹ ءِ تہ ءَ مٹ ءُ بدلی، شکیگیں لائسنس آناں 22 پائلٹس ءِ لائسنس ریجیکٹ، اینٹی لیریئل ڈرگ ءُ رکھینگی پوشاک برآمدد کنگ، انفلوئنزا، کینسر ءَ ھوار زندمان ءِ رکھینوکیں جتا جتائیں 250 درمان آنی ریٹیل پرائسنگ ءُ جتا جتائیں پوسٹنگ آنی منظوری
اسلام آباد ۔ 15 ستمبر (اے پی پی) بنجاھی کابینہ ءَ سینیٹ، راجی ءُ صوبائی اسمبلی آنی گچین بوتگیں باسک آنی سوگند ءِ واستہ 60 ءَ بگر تاں 90 روچ ءِ کساس ءَ گیشینگ ءِ واستہ الیکٹورل ایکٹ ءِ تہ ءَ مٹ ءُ بدلی، شکیگیں لائسنس آنی رد ءَ 22 پارئلٹس آنی لائسنس ریجیکٹشن، اینٹی لیریئل ڈرگ ءُ رکھینگی پوشاک برآمد کنگ، انفلوئنزا، کینسر ءَ ھوار زندمان ءِ رکھینوکیں جتا جتائیں 250 درمان آنی ریٹئل پرائسنگ ءُ جتا جتائیں پوسٹنگ آنی منظوی داتگ، بنجاھی کابینہ ءَ ماڈل جیل ءِ جوڑیشت ءِ واستہ گرین ایریاز آنی سر ئَ جیل ءِ دیوار ءُ ماڑی ءِ جوڑیشت ءِ سر ءَ ترندی ءَ گوں نہ وشی ءِ درشان کنان ءَ پنت ءُ شون کت کہ گرین ایریاز آنی سر ءَ کتگیں جوڑیشت آناں زوتیں رنگ ءَ پروشگ بہ بیت ءُ گرین ایریاز برجا کنگ بہ بیت، گرین ایریاز آنی ماڑی ءُ کوٹی جوڑ کنوک آنی ھلاپ ءَ کاروائی کنگ بہ بیت، مزن وزیر ءَ پنت ءُ شون کت کہ استیں ھور ءُ ارگ آنی نتیج ءَ آماچیں ءُ بزگیں ھاندان آناں احساس پروگرام ءِ وسیلگ ءَ کمک پجاری کنگ بہ بیت۔ بنجاھی وزیر اھوالکاری ءُ شنگ کاری سینیٹر شبلی فراز ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ تران کت۔
