شیخوپورہ ۔ 15 ستمبر (اے پی پی) مزن وزیر عمران خان ءَ گوشت کہ ٹوھیں واب چاروک مزنیں کار کنت، راوی ریور فرنٹ اربن ڈویلپمنٹ پراجیکٹ ءِ وسیلگ ءَ نوکیں پاکستان ءِ اکس گندگ بوھگ ءَ انت، گوستیں سروک آں ملک ءَ را وامدار کتگ ءُ شتگ انت، وام آنی واپسی ءِ واستہ ترندیں پیسلہ کنگ کپتگ ھمے سبب ءَ مشکلیں وھد گوزگ ءَ انت۔ آ سئے شمبے ءَ راوی ریورفرنٹ ایبن ڈویلپمنٹ پراجیکٹ ءِ بن ھشتی سنگ ءِ ایر کنگ ءِ مراگش ءَ گوں گشتانک دیگ ءَ ات۔ مزن وزیر ءَ گوشت کہ منا اے منصوبگ ءِ تہ ءَ نوکیں پاکستان ءَ اکس گندگ بوھگ ءَ انت، اے منصوبگ ءَ توامیں پیسہ جندی شوبگ ءَ چہ کئیت انت وھدیکہ حکومت ایوک ءَ آسراتی پجارین ایت، اوورسیز پاکستانیز اے منصوبگ ءَ سرمایہ کاری ءَ سک باز واھگ دارگ ءَ انت۔ آئی ءَ سر وزیر پنجاپ ءَ را منصوبگ ءِ زوتاں زوت سرجمی ءِ واستہ ٹیمب جوڑ کنگ ءِ پنت ءُ شون کت۔ آئی ءَ گوشت کہ نوکیں شہر جوڑ کنگ آسان نہ انت، مشکل آنی گوما دیم پہ دیمی کنگ کپ ایت۔ مزن وزیر ءَ گوشت کہ لاہور ءَ آپ ءِ جیڈھ سک مزن ءُ گیش بوھگ ءَ انت پدا ھم نوکیں شہر ءَ ھرچی گورم جوڑ بیت ایشی ءَ چہ لاہور شہر ءَ آپ ءِ گیشی بیت، لاہور ءَ 40 درسد کوچگ است، لاہور شہر ترندی ءَ گوں پراھ ءُ شاھیگان بوھگ ءَ انت۔ ایشی ءَ ابید لاہور شہر ءِ توامیں سیوریج ءِ آپ ءَ را ٹریٹمنٹ ءَ چہ پد راوی ءَ پترینگ بیت ایشی ئَ چہ روای کور ءِ آپ ساپ بیت۔ آئی ءَ گوشت کہ نوکیں شہر سرجمیں منصوبگ ءِ چیر دستی ءَ جوڑیشت کنگ بوھگ ءَ انت ءُ ما ایشرا گرین سٹی جوڑ کناں۔ ایشی ءَ ابید مزن وزیر ءَ راوی ریور فرنٹ اربن ڈویلپمنٹ پراجیکٹ ءِ بن ھشتی سنگ ایر کت۔ مزن وزیر ءَ بن ھشتی سنگ ءِ موہ ءَ نھال ءِ کشت ۔ مراگش ءَ سر وزیر عثمان بزدار ءَ ھم گشتانک دات۔
