اسلام آباد۔ 15 ستمبر (اے پی پی) وزیر خارجہ مخدوم شاہ محمود قریشی تون چیئرمین پاکستان علماء کونسل علامہ طاہر اشرفی سے شنبے نادے آ وزارت خارجہ ٹی اوڑدہی کرے۔ اوڑدہی ٹی اتحاد بین المسلمین، مسلم امہ ءِ مون تروک چیلنج آتا بابت سرجم گپ وتران کننگا۔ علامہ طاہر اشرفی مظلوم کشمیری تیا کروک آ بیدادی ءِ مچ آ دنیا ٹی تالان کننگ و گچین خارجہ پالیسی ءِ تینا کننگ آ وزیر خارجہ ءِ مبارکبادی پیش کرے۔ علامہ طاہر اشرفی پارے کہ اینو ہندوستان نا اصل دروشم مچ آ دنیا نا مون آ پاش مسنے۔ علامہ طاہر اشرفی مچ آ دنیا ٹی خاص وڑاٹ دیکی ملک آتیٹی اسلاموفوبیا نا ودوک آ لہر نا برخلاف گچین توار بڑز کننگ و دنیا نا چکار ءِ دا کنڈآ کرفنگ آ وزیر خارجہ نا منت واری ءِ ہرفے۔ شاہ محمود قریشی پارے کہ راج اٹ بے سگی و ہیجان انگیز رویہ غاتا بیخ کنی وپوسکن آ چین انا اسلامی قدر انا کنڈآ راہشونی نا رداٹ عالم دین و مشائخ آتا کڑد بھاز اہم ءِ۔ وزیر خارجہ اسلامی رغاموک آتا مون آ دننگ و اتحاد بین المسلمین نا بابت علامہ طاہر اشرفی نا خذمت آتا ستاءِ کرے۔
