اسلام آباد۔ 11مئی (اے پی پی) قومی اسمبلی سیکیورٹیز اینڈ ایکسچینج کمیشن آف پاکستان (ترمیمی) بل 2016ءنا منظوری ئِ تس۔ چارشنبے آ قومی اسمبلی ٹی پارلیمانی سیکرٹری خزانہ رانا محمد افضل خان تحریک پیش کرے کہ سیکیورٹیز اینڈ ایکسچینج کمیشن آف پاکستان (ترمیمی) بل ئِ غورا ٹی اتنگے۔ ایوان آن تحریک نا منظوری آن گڈ اسپیکر بل انا یک بعد ایلو غٹ شق آتا منظوری دوئی کرے۔ پارلیمانی سیکرٹری خزانہ تحریک پیش کرے کہ سیکورٹیز اینڈ ایکسچینج (ترمیمی) بل 2016ءئِ منظور کننگے۔ قومی اسمبلی بل انا امنائی اٹ منظوری ئِ تس۔
