جدہ۔03مارچ( اے پی پی) انڈونیشیا ئَ سعودی سفیر اسامہ محمد عبداللہ الشعیبی ئَ گشتگ کہ سعودی عرب انڈونیشیا ئِ 3بنجاھی شہر ماکسار، میڈان ءُ سورابیا ئَ عربی زبان ئِ بلد بوھگئِ ھاترئَ ادارگ جوڑ کنگئِ منصوبہ بندی کنگئَ اِنت، کہ ایشی ئِ مو ل ءُ مراد انڈونیشیا ئِ مردماناں عربی زبان ئَ بلد کنگئَ ءُ ایشی ئِ تہا گہتری آرگ ءِ ھاترئَ کمک کنگ اِنت۔ عرب نیوز ئَ گشتگ کہ سعودی سفیر ئَ گشتگ کہ ادارگ نہ تنا عربی زبان ئِ تعلیم ئَ دیئنت ءُ ما دگہ کسءَ را اے ادارگئَ را دگہ مول ءُ مراد ئِ ھاترئَ کارمرز کنگئَ نیل اَنت۔ آئی ئَ گشتگ کہ انوں زوتاں انڈونیشیا ئَ جزیرہ سومارتا ئَ عربی زبانئِ ادارگ جوڑ کنگ بوتگ ءُ گیش 3گیش ادارگ ماکسارئَ جزیرہ سولاویسی ، سورابیا ئَ جزیرہ جاوا ءُ میڈان ئَ جزیرہ سومارتا ئَ جوڑ کنگ بوھگئَ اَنت۔ آئی ئَ گشتگ کہ اے 3ادارگ حرمین شریفین بادشاہ سلمان ئِ منظوری ئَ پد آﺅکیں 2یا3ھپتگانی تہا پچ کنگ بنت۔
