احسن اقبال  ءَ گوں  مولانا ہدایت الرحمٰن ءَ گند ءُ نند کنان ءَ گوادر ءِ ہر نیمگ ءَ دیمروئی ، دمگی آبادی ءِ وشحالی ءُ دمگ ءِ برجمیں دیمروئی ءِ بابت ءَ گپ ءُ تران

اسلام آباد۔29جولائی  (اے پی پی): وفاقی وزیر منصوبہ بندی، دیمروئی، اصلاحات ءُ ھاسیں گامگیج پروفیسر احسن اقبال ءَ مولانا ہدایت الرحمٰن ءَ گوں گند ءُ نند کتگ، ایشی ءِ تہا گوادر ءِ ہر رنگیں دیمروئی، بنجاہی آبادی ءِ وشحالی ءُ دمگ ءِ برجائی ءِ ھوالگ ءَ جیڈھ آنی سر ءَ تفصیل ءَ گپ ءُ تران کنگ بوتگ۔ گند ءُ نند ءِ ساھت ءَ مولانا ہدایت الرحمٰن ءَ اے جزم ءِ پدا زور پر دات کہ گوادر ءِ ھرچ دیمروئی منصوبگ ءَ دمگی آبادی ءِ بھر زوری، وشھالی ءُ اقتصادی گہتری ءَ را مرکزی بستار دیگ بہ بیت تانکہ دیمروئی ءِ میوہ براہ راست اودا ءِ الس ءَ سر بہ بنت۔ اے موہ ءِ سر ءَ اے گپ ءِ سر ءَ تپاک کنگ بوت کہ پاکستان ءِ اقتصادی ءُ اسٹریٹجک دیمروئی ءِ تہ ءَ گوادر کلیتی ارزشت ءِ واھند اِنت وھدیکہ ایشی ءِ راستیں دیمروئی دمگی آبادی ءِ وشھالی، روزگار ءِ موہ، بنیاتی آسراتی آنی پھجاری ءُ الس ءِ بھر زوری ءِ سر ءَ بندوک اِنت۔ مولانا ہدایت الرحمٰن ءَ گوشت کہ گوادر ءِ دیمروئی ءُ ھاسیں رنگ ءَ اودا الس ءِ وشھالی مئے اولی ترجی انت ءُ اے مول ءُ مراد ءِ واستہ درستیں سیادی داروکیں ادارگ ءُ اسٹیک ہولڈر آنی نیام ءَ موثر کمک المی انت۔