مزن وزیر شہباز شریف ءَ جتا جتائیں شوبگ آنی تہ ءَ ٹیکس ءِ کار کرد ءِ اندازگ ءِ واستہ یک جامع ءُ سائنسی طریقہ کار ءِ جوڑ کنگ ءِ پنت ءُ شون

اسلام آباد۔29جولائی  (اے پی پی): مزن وزیر محمد شہباز شریف ءَ جتا جتائیں شوبگ آنی تہ ءَ ٹیکس ءِ کار کرد ءِ اندازگ ءِ واستہ یک سرجمیں ءُ سائنسی طریقہ کار ءِ جوڑ کنگ ءِ پنت ءُ شون کتگ ءُ گوشت کہ حکومت برآمد ءُ ملکی شوبگ آنی تہ ءَ گیش ءَ چہ گیش آسراتی دیگ ءَ برجاہ دار ایت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ چار شمبے ءِ روچ ءَ مزن وزیر محمد شہباز شریف ءِ سروکی ءَ ایف بی آر ءِ اصلاحات ءِ ھوالگ ءَ ھپتگی چار ءُ تپاسی دیوان برجم دارگ بوتگ ایشی ءِ تہ ءَ آمدنی ءِ تہ ءَ گیشی ءُ ادارگی اصلاحات ءِ ھوالگ ءَ پیشرفت ءِ سرجمیں چار ءُ تپاسی کنگ بوتگ۔ مزن وزیر ءَ دیوان ءَ گوں گشتانک دیان ءَ پنت ءُ شون کت کہ جتاجتائیں شوبگ آنی تہ ءَ ٹیکس ءِ کار کرد ءِ اندازگ ءِ واستہ یک ٹوھیں ءُ سائنسی طریقہ کار ءِ جوڑ کنگ ءُ پیش کنگ بہ بیت۔ آئی ءَ بجلی ءِ شوبگ ءِ کمک ءَ غیر رسمی اقتصادی چست ءُ ایر ءُ ٹیکس چوری ءَ ھواریں مردم ءُ کاروباری ادارگ آنی پجار ءُ قانونی کارروائی کنگ ءِ ھم پنت ءُ شون کتگ۔ مزن وزیر ئَ گوشت کہ پاکستان ئِ راجدپتر ئَ اولی رند ئَ شکر پیداوار ئِ شوبگ ئُُ ایف بی آر ئِ ڈیٹا ئِ یکجاھی اے گپ ئِ پدریں ثبوت اِنت کہ ایف بی آر ئِ نیمگ ئَ ایر کنگ بوتگیں ٹریکنگ سسٹم جوانیں رنگ ئَ کار کنگ ئَ اِنت۔ اے درگت ءَ چیئرمین ایف بی آر ءُ آئی ءِ ٹیم ءِ کوشست ستا کرز انت ۔ مزن وزیر ءَ ھما مردم ءُ کاروباری ادارگ آنی ساڑات کہ آ ٹیکس ءِ نظام ءَ نندگ ءِ وھد ءَ توامیں رھبند ءُ رھبندانی سر ءَ عمل کن اَنت ءُ ٹیکس دی اَنت ءُ گوشت کہ آ ملک ءُ راج ءِ ارزشتی ایں سرڈگار اَنت۔ آئی ءَ گوشت کہ حکومت ءَ ٹیکس آنی ھوالگ ءَ گیش ءَ چہ گیش ایکسپورٹ ءُ لوکل سیکٹر ءَ را آسراتی داتگ ءُ آیوکیں وھد ءَ ھم ھمے کار ءَ برجاہ دار ایت۔ مزن وزیر ءَ پنت ءُ شون کت کہ ہر ماہ ءِ اولی ہفتگ ءَ چیئرمین ایف بی آر ءُ سینئر افسر کراچی ءَ ساڑی بہ بنت تانکہ کاروباری برات ءِ جیڑہ ءُ جنجالاں وھد ءِ سر ءَ گوشدارگ ءُ گیش ءُ گیوار کنگ بہ بیت۔ آئی ءَ ٹیکسٹائل، مشروبات، اسٹیل، پولٹری، کھان ءِ تیل ءُ گھی ءُ ٹائر ءِ شوبگ آنی تہ ءَ پیداوار ءِ ڈیجیٹل نگرانی ءِ نظام ءَ را دسمبر ءَ تاں فعال کنگ ءِ ھم پنت ءُ شون کتگ۔ مزن وزیر ءَ گوشت کہ ایف بی آر ءَ تقرری ءُ ٹرانسفر ایوک ءَ میرٹ ءِ بنیاد ءَ کنگ بنت۔ آئی ءَ ایف بی آر ءَ ویٹنگ افسر آنی نظام ءِ توسیپ کت ءُ گوشت کہ میرٹ ءُ شفافیت اولی ترجی ءِ تہ ءَ مانیت۔ آئی ءَ پنت ءُ شون کت کہ جوانیں کار کرد پیش داشتگیں افسر آنی لسٹ جوڑ کنگ بہ بیت تانکہ آجوئی ءِ روچ ءَ آھاں ایوارڈ ءِ گوما داد دیگ بہ بیت۔ مزن وزیر ءَ کسٹم بانڈڈ گودام آنی تہ ءَ ھرچ وڑیں بے رھبندی ءِ پجارینگ ءُ گیواری ءِ واستہ ترندیں تھرڈ پارٹی آڈٹ ءُ ویلڈیشن ءِ پرمان ھم داتگ۔ مزن وزیر ءَ را ایف بی آر ءِ نیمگ ءَ مینوفیکچرنگ سیکٹر ءِ واستہ ٹریکنگ سسٹم ءِ ایر کنگ، ایف بی آر ءَ افرادی قوت ءِ رد ءَ عمل درآمد کتگیں اصلاحات ءُ آپریشنل گنجائش ءِ تہ ءَ گیشی ءِ ھوالگ ءَ سرپد کنگ بوت۔ دیوان ءَ را سرپد کنگ بوت کہ ٹریکنگ سسٹم شکر، سیمنٹ، تمباکو، ٹائل ءُ کھاد ءِ شوبگ ءَ سرجمی ءَ کار کنگ ءَ اِنت وھدیکہ دگہ پنچ شوبگ آنی تہ ءَ ایشی ءِ سر ءَ عمل درآمد گڈی پڑ ءَ اِنت، ایشی ءِ تہ ءَ 700ارب کلدار ءَ چہ گیش ٹیکس ءِ گنجائش اِنت۔ گند ءُ نند ءَ گوشت کت کہ 9 مینوفیکچرنگ شوبگ آنی تہ ءَ ٹریکنگ سسٹم ءِ جوڑ کنگ ءُ ایشی ءِ سر ءَ عمل کنگ ءِ واستہ شوبگ آنی گوما کار کنگ بوھگ ءَ اِنت، ایشی ءِ سبب ءَ 560ارب کلدار ءِ ٹیکس ءِ گنجائش ءَ چہ سیت چست کنگ بوت کنت۔ مزن وزیر ءَ پنت ءُ شون کت کہ پیداواری شوبگ ءَ بالواسطہ ٹیکس گرگ ءِ واستہ ٹریکنگ سسٹم ءِ سرا عمل کنگ ءَ را اے سال ءِ گڈ ءَ تاں دل یکیمی کنگ بہ بیت۔ افرادی قوت ءِ ھوالگ ءَ اصلاحات ءِ ھوالگ ءَ بریفنگ دیگ ءِ وھد ءَ اے گپ ءِ سرپدی دیگ بوت کہ افسر آنی بھرتی ءِ وھد ءَ آوانی تربیت ملک ءِ نامداریں یونیورسٹی ءَ چہ کنگ بوھگ ءَ اِنت، ایشی ءِ تہ ءَ میرٹ ءُ جوانیں کار کرد ءِ اصول آناں دل یکیمی کنگ بوھگ ءَ اِنت، ایشی ءِ گوما استیں افسر آنی تربیت ءِ میان اُستمانی ماڈیول آنی لوٹ ءُ گزر ھم کنگ بوھگ ءَ اِنت۔ پاکستان۔ گند ءُ نند ءَ گوشگ بوت کہ پیر ریویو ءُ چکاس ءِ نظام ءِ سر ءَ کار کنگ ءَ پد کسٹم ءُ ان لینڈ ریونیو ءِ ھاسیں پست آنی سر ءَ جوانیں نام ءِ واھندیں مردم آناں ایر کنگ ءَ را دل یکیمی کنگ بوھگ ءَ انت۔ ایف بی آر ءَ جوانیں کار کرد ءِ واھندیں افسر ءُ کارندہ آناں انعام ءُ سزا دیگ ءِ نظام ھم دیم ءَ آرگ بوتگ۔ شفافیت ءَ را دل یکیمی کنگ ءِ ھاترا 957تھرڈ پارٹی آڈیٹر گچین کنگ بوتگ اَنت وھدیکہ کسٹم ءِ بے دیمیں نظام ءِ چیر دستی ءَ 280 سامان ءِ ارزیابی کنوک آنی بھرتی ءِ عمل جاری اِنت، ایشی ءِ تہ ءَ میرٹ ءُ شفافیت ءَ را اولی ترجی دیگ بوھگ ءَ اِنت۔ بے دیمیں نظام ءَ نہ ایوک ءَ سامان ءِ رھادگ بوھگ ءِ وھد کم کتگ بلکیں ریکوری ءَ ھم گیش کتگ۔ دیوان ءَ گیش گوشگ بوت کہ ٹیکس کیس آنی تہ ءَ بے وسی ءِ مقدمہ آنی تہ ءَ کمی ءِ واستہ کیس سکرٹینی کمیٹی جوڑ کنگ بوھگ ءَ اِنت، ایشی ءِ تہ ءَ میرٹ ءِ رد ءَ ٹیکس ءَ گوں سیادی داروکیں کیس آنی رجسٹریشن ءِ پیسلہ کنگ بیت۔ ھمے رنگ ءَ متبادل تنازعہ ءِ گیواری فورم ءِ چیر دستی ءَ جون 2026 ءَ تاں 90 روچ ءِ تہ ءَ 377 درخواست آنی تہ ءَ 152 درخواست ءِ ھلاسی بوتگ ایشی ءِ آسر ءَ 100کروڑ کلدار ٹیکس ءِ وصولی بوتگ۔ 54 ارب ءِ سرا بوتگ۔ گند ءُ نند ءَ وفاقی وزیر   اعظم نذیر تارڑ، ڈاکٹر مصدق ملک، احد خان چیمہ، محمد اورنگزیب، عطاء اللہ تارڑ، شزہ فاطمہ خواجہ، علی پرویز ملک، وزیر مملکت بلال اظہر کیانی، گورنر سٹیٹ بینک جمیل احمد  ءُ ہمگرنچیں سینئر اپسرگ آں  بہر زرتگ۔