نائب مزن وزیر اسحاق ڈار ءَ کویت ءِ دری کارانی وزیر شیخ جرہ جابر الاحمد الصباح ءَ گوں گند ءُ نند کتگ، دو نیمگی سیادی ءِ درستیں تک ءُ پہنات آنی سرجمیں چار ءُ تپاسی

اسلام آباد۔29جولائی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ چار شمبے ءِ روچ ءَ درئی کارانی کارگس ءَ کویت ءِ درئی کارانی وزیر شیخ جراح جابر الاحمد الصباح  ءَ گوں گند ءُ نند کت۔ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ دوئیں سروک آں یک سکیں وشیں ءُ پائدگ مندیں یک پہ یکی گند ءُ نند ءَ پاکستان ءُ کویت ءِ نیام ءَ دو نیمگی سیادی ءِ توامیں تک ءُ پھنات آنی سر ءَ چار ءُ تپاسی کت ءُ دیریں براتی شریکداری ءَ را گیش مھکم کنگ ءِ واستہ وتی یکجائی عزم ءِ سر ءَ پدا زور دات۔ ایشاں دمگی ءُ میان استمانی جاور ھالانی سر ءَ ھم سرجمیں گپ ءُ تران کتگ ءُ میان اُستمانی ءِ تہ ءَ تیزی ءَ گوں بدل بوھوکیں جاور ھال ءِ سر ءَ ھاسیں دلگوش داتگ۔