بُنجاھی کابینہ ئَ فاٹا اصلاحات کمیٹی ئِ سپارش آنی منظوری دات
اسلام آباد ۔ 2 مارچ (اے پی پی) بُنجاھی کابینہ ئَ مزن وزیر محمد نوازشریف ئِ پاگواجئی ئَ بوتگیں دیوان ئَ فاٹا اصلاحات کمیٹی ئِ سپارش آنی منظوری دات۔ پنچ شمبے ئِ روچ ئَ نبُنجاھی کابینہ ئِ دیوان ، مزن وزیرمحمد نواز شریف ئِ پاگواجئی ئَ مزن وزیرگس ئَ برجم دارگ بوت ایشی ءِ تہئَ مزن وزیر گشتانک دیان اَت ، مزن وزیر محمد نواز شریف ئَ گوشت کہ پاکستان توامیں شہری مردم آنی ئُُ توامیں شہری آنی گوما اِچ وڑیں کچ ئُُ کیل ئَ ابید دیم پہ دیمروئی ئِ نیمگ ئَ ھمکچیں موہ دیگی اِنت۔ آئی ئَ فاٹا ئِ اُلس ئِ وطن دوستی ئُُ جوزگ آنی ساڑا کنان ئَ گوشت کہ پاکستان ئِ تاریخ ایشانی محبت ئِ درو ئَ پُر اَنت۔ مزن وزیر ئَ گوشت کہ فاٹا ئِ اُلس آں پاکستان ئِ وت واجئی، سالمیت ئُُ دیمپانی ئِ واستہ بے کساس قربانی داتگ۔ آئی ئَ گوشت کہ نوں وھد اتکگ کہ فاٹا ئِ اُلس آناں گوں وت ھمگام بکن آں ئُُ ایشانی زھبری آں ھلاس بکن آں۔ مزن وزیر ئَ گوشت کہ فاٹا، گلگت بلتستان ئُُ آزات کشمیر ئِ اُلس ئِ راجی مڈی آنی سر ئَ آوانی ھم کچ ئُُ ھم کساس ھک اِنت، ھمے پیم کہ ایندگہ صوبگ آنی اُلس آنی ھک اِنت۔ آئی ئَ گوشت کہ فاٹا ئِ اُلس آناں آوانی جائزیں ھک ئِ رد ئَ راجی مڈی ئِ تہ ئَ آوانی بھر آواناں دیگ بیت۔ آواں ملکی یکوئی ئِ راجی جوزگ ئَ را دیمروئی دیگ ئُُ ملک ئِ توامیں بھر آنی تہ ئَ نندوکیں اُلس آنی دیمروئی ئُُ نپ ئِ ضلورت ئِ سر ئَ زور پر دات۔ مزن وزیر ئَ گوشت کہ مئے سر ئَ اے زمہ واری اِنت کہ دیمروئی ئِ کشک ئَ پوشت ئَ پشت کپوکیں دمگ آنی سر ئَ گیشاں چہ گیش دلگوشی ئُُ آھودا نندوکیں اُلس ئِ زندمان ئِ بازیں شوبگ آنی دیمروئی ئِ موہ ئَ بہ پُجارین آں۔ بُنجاھی کابینہ ئِ دیوان ئَ سیکرٹری سیفران ارباب شہزاد ئَ فاٹا اصلاحات کمیٹی ئِ سپارش آنی بابت ئَ کابینہ ئَ را بریفنگ دات۔ گورنر خیبر پختونخوا اقبال ظفر جھگڑا ئَ ھاسیں دعوت ئِ پد ئَ دیوان ئَ بھر زُرت۔
