اسلام آباد۔ 02 مارچ (اے پی پی) بُنجاھی وزیر منصوبہ بندی ئُُ دیمروئی احسن اقبال ئَ اسلام آباد ئَ اقتصادی کمکی گل ئِ سربراہ دیوان ئَ توامیں ملک آنی گوما کامیاتیں سفارتی یکوئی ئِ جوانیں درور گوشت۔ پنچ شمبے ئَ ھال رسانک در آنی گوما تران کنان ئَ آئی ئَ گوشت کہ چین پاکستان اقتصادی راہداری منصوبگ ئُُ گوادر پورٹ ئَ چہ پاکستان نیامی ئُُ زرباری یشیائی ملک آنی روبرکتی ملک آنی گوما تجارتی ئُُ کاروباری یکوئی ئَ را دیمروئی دیگ ئِ واسترہ سک باز ارزشتی ایں ملک ئِ جوڑ بیت۔ بُنجاھی وزیر ئَ گوشت کہ اسلام آباد ئَ اقتصادی کمکی گل ئِ سربراہ دیوان ئِ کامیاتی ئَ گپ سہرا بوتگ کہ پاکستان میاں اوستمانی برات آنی توک ئَ ایوک نہ اِنت بلکینگ ئَ آ دیمروئی کنوکیں ملک آنی گوما ھمگام ئُُ ھمکوپگ اوشتاتگ۔ آئی ئَ گوشت کہ پڑ ئَ ایمنی، دیمروئی ئُُ وشھالی ئِ ودینگ ئَ پاکستان کلیت ئِ کرد ئَ پیلو کنگ ئِ اِزم ئَ داریت۔ آئی ئَ گوشت کہ وھد ئِ لوٹ ھمیش اِنت کہ پاکستان ئُُ اقتصادی کمکی گل ئِ باسکیں ملک پڑ ئَ وت مہ وتی یکوئی ئِ ودینگ ئِ وسیلگ ئَ دیمروئی ئُُ وشھالی ئِ واستہ یکجائی ئَ کار بکن اَنت۔
