اسلام آباد۔21جون (اے پی پی):شہید بے نظیر بھٹو ءَ جمہوریت، انسانی شرپ ءُ زالبولانی حقانی واستہ ناقابل فراموشیں جہد کتگ، آئی ءِ قربانی، وژن ءُ راج ءِ واستہ عزم پیپلز پارٹی ءِ اجتماعی میراث انت، ما شہبی ءَ چہ رہشونی ءِ زورگ ءَ جمہوریت ءَ را مھکم کنیں۔ صدر ءِ پریس ونگ ءِ رد ءَ صدر مملکت آصف علی زرداری ءَ اے ھیالانی درشانی شھید بے نظیر بھٹو ءِ 72می سالروچ ءِ درگت ءَ وتی کلوہ ءِ تہ ءَ کت۔ صدر ءِ مملکت ءَ گوشت کہ ما شھید بے نظیر بھٹو ءِ راجی ھزمت ءُ مزنیں قربانی آناں شرپ ءِ درشان کناں۔ صدر ءِ مملکت ءَ گوشت کہ شہید بے نظیر بھٹو ءَ جمہوریت، انسانی شرپ ءُ زالبول آنی ھک آنی واستہ ناقابل فراموشیں جہد ءُ کوشست کتگ۔ صدر ءِ مملکت ءَ گوشت کہ شھید بی بی ءَ آمریت ءِ ھلاپ ءَ دلیری ءُ محاتمی ءِ دیما اوشتاتگ۔ صدر ءِ مملکت ءَ گوشت کہ شھید بی بی ءَ ملک ءَ جمہوریت بحال ءِ واستہ تحریک آنی سروکی کتگ ۔ شہید بی بی ءَ قانون ءِ حاکمیت ءُ آئین ءِ بالادستی ءِ سرا سرجمیں ایمان بوتگ۔ صدر ءِ مملکت ءَ گوشت کہ شھید بے نظیر بھٹو ءِ قربانی، وژن ءُ الس ءِ واستہ کمیٹمنٹ پیپلز پارٹی ءِ اجتماعی میراث انت۔ صدر ءِ مملکت ءَ گوشت کہ شھید بی بی زالبول آنی چاگردی ءُ اقتصادی وت واجہی ءِ پیشگام بوتگ۔ صدر ءِ مملکت ءَ گوشت کہ ما شھید بے نظیر بھٹو ءِ ویژن ءَ چہ رہشونی زورگ ءَ جمہوریت ءَ را مھکم کن ایں ۔ صدر ءِ مملکت ءَ گوشت کہ شھید بی بی پدمنتگیں تبک ءُ اقلیت آنی توار اِنت ءُ پرامن ءُ وشھالیں پاکستان ءِ لوٹ اِنت۔ شہید بی بی ءِ اصولانی سرا عمل کنگ ءَ ما ہر شہری ءِ بنیاتی حقانی رکھینگ ءَ دلجم کنیں۔ صدر ءِ مملکت ءَ گوشت کہ شھید بے نظیر بھٹو ءِ پکر انگت ءَ یک انصاف مند ءُ جمہوری چاگرد ءِ برجائی ءِ واستہ چراگ انت۔
