اسلام آباد۔21جون (اے پی پی):وفاقی وزیر ءِ اھوالکاری ءُ نشریات عطا اللہ تارڑ ءَ گوشت کہ نامداریں ٹک ٹوکر ثنا یوسف ءِ کوش ءَ چہ سرجمیں راج دلپدرد انت۔ ثنا یوسف ءِ کوش یک ٹیسٹ کیسے بہ بیت کہ دیمترا اے وڑیں سلکاری ءِ کنگ ءِ ہمت کس ءَ مہ بیت۔ مزن وزیر محمد شہباز شریف ءُ وزیر داخلہ ءَ اے سانحہ ءِ سکیں نوٹس زرتگ۔ ملزم ءَ را سکیں سختیں سزا دیگ بیت۔ یک قانود ءِ ٹیم جوڑ کنگ بیت کہ اے کیس ءَ وتی منطقی آسر ءَ سر بہ کنت۔ آئی ءَ اے ھیالانی درشانی شمبے ءِ روچ ءَ بیران بوتگیں نامداریں ٹک ٹوکر ثنا یوسف ءِ گس ءِ تر ءُ تاب ءِ ساھت ءَ میڈیا ءَ گوں تران کنان ءَ کت۔ وفاقی وزیر ءِ اھوالکاری ءَ گوشت کہ سرجمیں راج ثناء یوسف ءِ کوش ءَ چہ دلپدرد انت ۔ اے واقعہ ٹیسٹ کیسے بہ بیت۔ آئی ءَ گوشت کہ مزن وزیر ءُ وفاقی تہی کارانی وزیر ءَ ثنا یوسف ءِ کوش ءِ سکیں نوٹس زرتگ۔ لوٹ ایش انت کہ کیس ءَ را قانونی رنگ ءَ مھکم کنگ بہ بیت دانکہ ملزم ءَ را سکیں سزا دیگ بہ بیت۔ آئی ءَ گوشت کہ پولیس ءَ وتی مہارت ءُ جوانیں پٹ ءُ پول ءَ گوں لھتیں کلاک آنی تہ ءَ ملزم دزگیر کتگ، نوں ضلورت ایش انت کہ پراسیکیوشن ءِ عمل ءِ تہ ءَ ھچ وڑیں کشک مہ بیت ءُ کیس ءَ را قانونی رنگ ءَ مھکم کنگ بہ بیت۔ وفاقی وزیر ءِ اھوالکاری ءَ گوشت کہ آمید گس ءِ پیشی ءِ وھد ءَ ھما دیم گندگ نہ بوتگ اَنت کہ آ پیسر ءَ سوشل میڈیا ءَ بیران بوتگیں ثنا یوسف ءِ گوما فوٹو سیشن بوتگ اَنت یا مرچی آئی ءِ ھون ءِ بابت ءَ پوسٹ کنگ ءَ اَنت آ دیم گندگ نہ بوتگ اَنت۔ اے مردم آمید گس ءِ کاروائی ءَ ہم آہانی گوما اوشتات کن انت۔ وفاقی وزیر انفارمیشن ءَ گوشت کہ مئے وکیل زدگیں مردم ءِ کھول ءَ را قانونی کمک کن اَنت ءُ کیس ءِ سر ءَ برجاھیں پیشرفت ءَ را دل یکیمی کنگ بیت۔ آئی ءَ گوشت کہ باز براں کیس کوھنیں جیڑھے جوڑ بیت ءُ دلگوش ءِ دیم ءَ کشگ بیت بلے ما اے کیس ءَ چہ دلگوش ءِ دیم ءَ کشگ ءَ نہ دئیں ءُ کیس ءَ را وتی منطقی آسر ءَ سر کنگ ءِ واستہ قانونی ٹیم جوڑ کنگ بیت تانکہ ملزم ءَ را سکیں سزا دیگ بہ بیت۔ یک جست ءِ پسو ءَ وفاقی وزیر ءِ اھوالکاری ءَ گوشت کہ سوشل میڈیا پلیٹ فارم آناں گیشیں ذمہ واری ءِ گوما کارمرد کنگ بہ بیت۔ اے فورماں پہ جوانیں مول ءُ مراداں کارمرز کنگ بیت کنت بلے ایشانی منفی کارمرز کنگ ءَ چہ چاگرد ءَ تاوان رسگ ءَ اِنت۔ مارا جنک آناں آزار ءُ اذیت، بلیک میلنگ ءُ زوراکی ءِ وڑیں جیڑھاں چہ رکھینگ ءِ ھاترا یکجاھیں گامگیج چست کنگی اِنت۔ وفاقی وزیر ءِ اھوالکاری ءَ گوشت کہ جنک آنی رکھینگ ءِ واستہ باقاعدہ فورم ءِ جوڑ کنگ ءِ ھم ضلورت انت تانکہ زالبول ءُ جنک آناں ایمنیں چاگرد پجاری کنگ بہ بیت۔ ایشی ءَ چہ پیسر وفاقی وزیر ءِ اھوالکاری ءَ بیران بوتگیں ثناء یوسف ءِ کھول ءَ گوں گند ءُ نند کتگ ءُ ثناء یوسف ءِ کوش ءِ سر ءَ دلپدردی ءِ درشانی کتگ۔ آئی ءَ نمیرانیں ثنا یوسف ءِ ابدی امن ءُ ایمنی ءِ واستہ ھم دعا کتگ۔
