اسلام آباد۔21جون (اے پی پی):مزن وزیر محمد شہباز شریف ءَ صوابی ءَ پولیس ءِ کارندہ آنی سر ءَ تیرگواری ءِ وئیل ءِ مذمت کتگ ءُ گوشتگ کہ ناشرکاری ءِ راکشس ءِ ھلاپ ءَ جنگ داں ھما وھد ءَ برجاہ مان ایت کہ ناشرکاری ءِ راکشس ملک ءَ چہ سرجمی ءَ ھلاس کنگ مہ بیت۔ شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ تہ ءَ مزن وزیر محمد شہباز شریف ءَ وتی جان ندر کتگیں دوئیں پولیس کارندہ آناں یات درشان کت ءُ آھانی کھول ءِ واستہ صبر ءِ دعا کت۔ آئی ءَ پنت ءُ شون کت کہ وئیل ءِ پٹ ءُ پول کنگ ءُ زمہ وارانی پجار کنگ ءُ آناں کانود ءِ دیم ءَ آرگ ءِ پنت ءُ شون کتگ ءُ گشتگ کہ ناشرکاری ءِ راکشس ءِ ھلاپ ءَ جنگ داں ملک ءَ چہ سرجمی ءَ ہلاس کنگ مہ بیت۔ پولیس افسر ءُ سرمچار شپ ءُ روچ ناشرکاری ءِ ھلاپ ءَ جنگ ءَ ھوار اَنت کہ گرانیں وطن ءَ چہ اے آفت ءَ پاک بہ کن اَنت۔ مزن وزیر ءَ گوشت کہ منا ہوار سرجمیں راج مئے پولیس افسر ءُ سپاھیگ آنی سر ءَ پھر کنت ایشاں مئے گران بہائیں وطن ءِ واستہ ناشرکار آنی گندیں نیت ناکام کتگ۔
