سینٹ کٹس۔ 02مارچ (اے پی پی) ویسٹ انڈیز و انگلینڈ نا کرکٹ ٹیم تا نیام اٹ مسہ اسہ دے ئی جہانی میچ آتیا تالان سیریز نا اولیکو میچ (اینو) جمعہ نا دے گوازی کننگک۔ ہڑتوم آ ٹیم تا نیام اٹ تین پہ تینی ون ڈے میچ آتیٹی کٹنگ نا تناسب ففٹی ففٹی ئِ، ہڑتوم آ ٹیمک 42,42کٹنگ تخانو وخت اس کہ کالی آندھی گدرینگوک آ 10 سال آن انگلینڈ نا برخلاف ون ڈے سیریز کٹنگ آن محروم ئِ۔ ویسٹ انڈیز آخریکو وار 2007ءٹی انگلینڈ نا برخلاف ون ڈے سیریز ئِ کٹاسس۔ انگلش ٹیم ویسٹ انڈیز اٹی ڈیرہ بٹینے و او ہڑتوم آپریکٹس میچ آتے کٹسا ویسٹ انڈیز کن خلیس نا گھنٹی ئِ خلکونے۔ ہڑتوم آٹیم تا نیام اٹ سیریز نا بنااینو جمعہ نا دے آن مننگ ئِ، ہڑتوم آتا نیام اٹ ارٹ میکو ون ڈے 5مارچ وخت اس کہ مسٹ میکو و آخریکو میچ 9 مارچ آ گوازی کننگک۔ ویسٹ انڈیز و انگلینڈ نا نیام اٹ 1973ءآن 2014ءاسکان جم وڑاٹ 88اسہ دے ئی میچ گوازی کننگا۔ ہڑتوم آ ٹیم تا نیام اٹ ہمیشہ کانٹے دار مقابلہ ہُننگ کن ملا و شاہد ہنداسوب ئِ کہ ہڑتوم آ ٹیم تا کٹنگ نا تناسب ففٹی ففٹی ئِ، البتہ کالی آندھی 10سا ل آن انگلینڈ نا برخلاف ون ڈے سریز اٹی سرسہب مننگ کتنے او آخریکو وار 2007ءٹی سیریز ئِ کٹاسس۔ ویسٹ انڈیز نا پڑو کروک ٹیم کیپٹن جیسن ہولڈر، دیوندرابیشو، کارلوس بریتھویٹ ، کریگ بریتھویٹ، جوناتھن کارٹر ، شینن گبرائل، شائی ہوپ ، الزای جوزف، ایون لیوس، جیسن محمد، ایشلے نرس، کیرن پاویل و روومین پاویل آ تالان ئِ۔
