شیراز۔ 02مارچ (اے پی پی) اوغانستان نا منشیات نا برخلاف مہم نا وزیر ایران نا صوبہ فارس نا گورنرتون اوڑدہی ٹی پارینے کہ اونا ملک ، منشیات نا برخلاف مہم نا پنچ سالہ ڈٹ آ عمل کننگ ئِ۔ اوغانستان نامنشیات نا برخلافمہم نا وزیر سلامت عظیمی ایران نا شار شیراز اٹی صوبہ فارس نا گورنر سید محمد علی افشانی تون اوڑدہی ٹی پارینے کہ داہیت انا پیش نظر کہ منشیات نا واپار و اونا منڈی ، اوغانستان نا سیم تیان پیشن واقع ئُ۔ داویل انا چٹفنگ کن غٹ دا ملک آتا عزم و کمکاری نا گرج ئِ ہرا منشیات نا ویل آتیان دوچار ئِ۔ اومنشیات نا برخلاف مہم نا بابت تہران کانفرنس نا کنڈآ اشارہ کرسا پارے کہ دا کانفرنس ، منشیات نا برخلافمہم نا بابت چندی ملک و تنظیم آتا تجدید عہد نا چرجوئی ٹی مثبت و سرسہب گام اسے۔
