لندن/پیرس/ ویانا/ کولمبو/ بنکاک/ انقرہ ۔ 14 اگست (اے پی پی) سرجمیں ملک ءِ وڑ ءَ سرجمیں دگنیا ءَ پاکستنای سفارتی مشنز آنی تہ ءَ 73 ھپتاد ءُ سیمی آجوئی روایتی جوش ءُ جوزگ ءِ گوما برجم دارگ بوتگ۔ آدینگ ءِ روچ ءَ انقرہ، سری لنکا، بنکاک، پیرس ، کولمبو، ویانا ، لندن ہائی کشمین ، بریڈ فورڈ ءُ مانچسٹر قونصلیٹ ءَ آجوئی ءِ روچ ءِ موہ ءَ مراگش ءِ بست ءُ بند کتن بوت۔ انقرہ ءَ پاکستنای ءِ سفیر ایم سائرس سجاد قاضی ءَ پاکستانی کمیونٹی، نودربر ءُ سفارتخانہ ءِ کارندہ ءُ آوانی گس ءِ مردم آنی ساڑی بوھگ ءِ ساھت ءَ راجی سوت ءُ بیرک ٹنگگ بوت۔ اے موہ ءِ سر ءَ صدر ءِ مملکت ءُ مزن وزیر پاکستان ءِ ھاسیں کلوہ ءَ را ونت ءُ گوشدارینت۔ سفیر سائرس قاضی ءَ گوشت کہ چاردھ اگس برصغیر ءِ راجدپتر ءَ یک ارزشتی ایں روچ ات۔ 1947 ءَ اے راجدپتر ءَ آزات پاکستان ءِ واب گواچن ءَ مٹ بوتگ۔ سری لنکا ءَ استیں ہائی کشمنر تنویر احمد ءَ راج ءِ پیریں آناں توسیپ ءُ ستا پیش کت آئی ءَ گوشت کہ بے دروریں قربانی داتگ ءُ بے مٹیں واب گواچن ءِ تہ ءَ مٹ کتگ۔ سری لنکا پاکستان ءِ یکوئی ءِ بابت ءَ استیں ہائی کمشنر ءَ گوشت کہ پاکستان سری لنکا ءِ گوما وتی یکوئی آناں سک باز ارزشت دنت۔ فرانس ءَ استیں پاکستان ءِ ناظم الامور محمد امجد عزیز قاضی ءَ مراگش ءَ گوں گشتانک دیان ءَ آزات وطن ءِ رھبند آنی واستہ قائداعظم ءُ آئی ھمبراھ آنی داتگیں قربانی آناں توسیپ ءُ ستا پیش کت، آسٹریا ءِ دارالحکومت ویانا ءَ ھم پاکستنای سفارتخانہ ءَ آجوئی ءِ روچ ءِ درگت ءَ پاکستان ءِ آجوئی ءِ درگت ءَ مراگش ءِ بست ءُ بند کنگ بوت۔ پاکستان ءِ سفیر منصور احمد خان ءَ بیرک ٹنگ ات۔ لندن ءَ پاکستنا ءِ ہائی کمیشن ءَ ھم پاکستان ءِ آجوئی ءِ روچ ءِ ھوالگ ءَ بیرک ٹنگ ات، کورونا وائرس ءِ ھوپ ءُ ترس ءِ سبب ءَ مہمان دعوت نہ داتگ ات۔ مراگش ءَ را کمیونٹی ءِ واستہ سوشل میڈیا ءِ سر ءَ لائیو شنگ ءُ تالان کنگ بوت۔ بریڈفورڈ ءُ مانچسٹر قونصلیٹ ءَ یوم گب جنرل ابرار حسین ءَ بیرک ٹنگ ات۔
