حکومت ءُ چیمبراں راجی معیشت ءِ ھاتر ءَ یک ٹیم ءِ رنگ ءَ کار کنگی اِنت، منصوبہ بندی ءِ وفاقی وزیر

اسلام آباد۔24ستمبر  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ فیصل آباد پاکستان ءِ معیشت ءِ ریڑھ ءِ ھڈ اِنت، حکومت ءُ چیمبر آناں راجی معیشت ءِ واستہ یک ٹیم ءِ رنگ ءَ کار کنگ لوٹ ایت۔ فیصل آباد چیمبر آف کامرس اینڈ انڈسٹری ءِ 50 سالی روچ ءِ موہ ءَ بزنس ایکسیلنس ایوارڈز مراگش ءَ گوں گشتانک دیان ءَ وفاقی وزیر ءَ گوشت کہ چیمبر آناں وتی باسک آنی گنجائش ءَ را گیش کنگ لوٹ ایت ءُ جہانی مارکیٹ آنی تہ ءَ سر بوھگ ءُ برآمدات ءَ را دیمروئی دیگ ءِ واستہ عملی گامگیج چست کنگ لوٹ ایت۔ برآمدات ءِ تہ ءَ گیشی ءِ واستہ صنعت کار ءُ کاروباری برات ءَ را وتی کرد ءَ را گیش موثر جوڑ کنگ لوٹ ایت۔ آئی ءَ گوشت کہ پاکستان ءِ مستریں جیڈھ بوقرو کریک ءِ بدعنوانیں نظام انت، حکومت سول سروس ءِ اصلاحات آرگ ءَ انت تانکہ انتظامی نظام الس ءِ آسراتی ءُ کاروبار ءِ دیمروئی ءِ واستہ کار بہ کنت، پلاٹ آنی معیشت ءِ بدل ءَ مارا صنعت، پیداوار ءُ برآمدات ءِ دیمروئی کنگی انت۔ احسن اقبال ءَ گوشت کہ فصل آباد ءِ صنعت وتی برآمدات ءَ 20درسد گیش بہ کن انت، حکومت آیوکیں سال ءَ فصل آباد ءَ ایکسپو سینٹر ءِ جوڑ کنگ ءِ واستہ گامگیج چست کنت۔ مزن وزیر ءَ را فصل آباد ایکسپو سینٹر ءِ جوڑ کنگ ءِ سفارش کناں، وھدیکہ شہر ءِ ٹیکس ءُ آر ٹی او ءِ ھوالگ ءَ جیڈھ آناں ھم مزن وزیر ءِ دیم ءَ آرگ بیت۔ مزن وزیر ءَ را فصل آباد بالی پٹ ءِ لوٹ ءِ بابت ءَ ھم سرپد کنگ بیت۔ وفاقی وزیر ءَ گوشت کہ فصل آباد ءِ ھک انت کہ آ جوانیں آسراتی پجاری بہ کنت، حکومت کاروباری برات آناں ہر ممکن آسراتی پجاری کنت۔ آئی ءَ صنعت کار آنی سر ءَ زور پر دات کہ آ وتی برآمدات ءَ را گیش بہ کن اَنت ءُ وزارت منصوبگ بندی ھم آھانی ھمراھی ءَ اوشتات کنت۔ آئی ءَ گوشت کہ گوست ءِ پاکستان مسلم لیگ ءِ حکومت ءِ وھد ءَ سی پیک ءِ چیر دستی ءَ پاکستان ءَ 29 ارب ڈالر ءِ سرمایہ کاری آرگ بوتگ ءُ سی پیک ءِ چیر دستی ءَ ملک ءَ 9 انڈسٹریل زون جوڑ کنگ ءِ منصوبگ جوڑ کنگ بوتگ بلے 2018ءِ بدلی آں چہ اے عمل ناکام بوتگ۔ احسن اقبال ءَ گوشت کہ 2017 ءَ پاکستان ءِ معیشت ءِ بابت ءَ پیش گوئی کنگ بوتگ کہ 2030 ءَ تاں ملک دگنیا ءِ 20 مزنیں معیشت آنی تہ ءَ ھوار بوت کنت بلے 2018 ءَ پد اقتصادی بے رھبندی ءَ پاکستان ءِ اقتصادی دیمروئی ءَ را سک باز تاوان داتگ۔ آئی ءَ گوشت کہ 2022 ءَ پاکستان ڈیفالٹ ءِ کش ءَ ات، ما وتی ھمت ءِ سر ءَ شرط بندی ءَ معیشت ءَ را رکینتگ ءُ اقتصادی مفاد آنی سر ءَ پاکستان ءِ اقتصادی مفاد آناں اولیت داتگ، مرچی پاکستان ڈیفالٹ ءِ ھترہ ءَ چہ دور انت ءُ پدا دیمروئی ءِ راہ ءَ انت، دانت مرچی پاکستان ءِ اقتصادی زندگ بوھگ ءِ گپ ءَ کنگ ءَ انت۔ وفاقی وزیر ءَ گوشت کہ پاکستان ءَ اقتصادی استحکام رستگ، نوں مارا اودان پاکستان ءِ راستیں مول ءُ مراد آنی نیمگ ءَ روگی اِنت، اودان پاکستان ءِ چیر دستی ءَ پاکستان 2035 ءَ تاں ٹریلین ڈالر ءِ معیشت جوڑ بوھگ ءَ اِنت۔ دنیا ءِ تہا دیمروئی ءِ ھاتر ءَ پالیسیانی تسلسل، سیاسی استحکام ءُ اصلاحات المی انت۔ احسن اقبال ءَ گوشت کہ مارا ٹی وی اسکرین آنی سر ءَ نوکیں پروڈکشن لائن آناں پیش دارگی اِنت، آشوب ءِ گل آنی سر ءَ نہ، پاکستان یک گلوبل لیڈر اِنت، نوآبادیاتی ءُ دیمروئی ءِ ریس ءِ برابر اِنت۔