درئی کارانی وزیر اسحاق ڈار ءَ نیپال ءِ ھمکار ششیر خانل ءَ گوں گند ءُ نند کتگ، دو نیمگی کمک ءَ را گیش وسعت دیگ ءِ واستہ رابطہ ءِ تہ ءَ برجم دارگ ءِ سر ءَ تپاک

نیویارک۔24ستمبر  (اے پی پی): نیویارک ءَ اقوام متحدہ ءِ جنرل اسمبلی ءِ 81می دیوان ءِ ساھت ءَ نائب مزن وزیر ءُ درئی کارانی وزیر ایس محمد اسحاق ڈار ءَ نیپال ءِ درئی کارانی وزیر ششیر خانال ءَ گوں گند ءُ نند کتگ۔ دوئیں رہشون آں دو نیمگی کمک ءَ را گیش پراھ کنگ ءِ واستہ رابطہ ءِ سر ءَ برجم بوھگ ءِ سر ءَ تپاک کت۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ نیپال ءَ گوستگیں روچاں بوتگیں فلیش فلڈ سیلاب ءِ سبب ءَ جانی ءُ مال ءِ تاوان ءِ سر ءَ دلپدردی ءِ درشانی کتگ ءُ اے دل یکیمی داتگ کہ اے گرانیں وھد ءَ پاکستان نیپال ءِ الس ءِ گوما شانہ پہ شانہ اوشتاتگ۔ نیپال ءِ درئی کارانی وزیر ءَ پاکستان ءِ کمک ءِ منت گپت ءُ نائب مزن وزیر اسحاق ڈار ءَ را آفت ءِ شدت ءُ الس ءُ بنیاتی ڈھانچہ ءِ سر ءَ ایشی ءِ اثر آنی بابت ءَ سرپد کت۔ دوئیں نیمگ ءَ دو نیمگی یکوئی آنی سر ءَ چار ءُ تپاسی کت ءُ سیاسی ءُ اقتصادی مشورہ ءِ وسیلگ ءَ ھوار کمک ءَ را گیش مھکم کنگ ءِ راہ آنی سر ءَ ھیال ءُ لیکہ درشان کت۔ ایشاں وت مہ وتی مفاد ءِ دمگی ءُ میاں اوستمانی دیمروئی آنی سر ءَ ھم ھیال ءُ لیکہ ءِ درشان کت ءُ کثیر جہتی فورم آنی تہ ءَ ھاسیں رنگ ءَ اقوام متحدہ ءُ سارک ءِ تہ ءَ برجاھیں ھمگرنچی ءِ ارزشت ءِ سر ءَ زور پر دات۔ دوئیں نیمگ ءَ دو نیمگی کمک ءَ را گیش وسعت دیگ ءِ واستہ رابطہ ءَ برجا بوھگ ءِ سر ءَ تپاک کنگ بوتگ۔