نائب مزن وزیر ءُ درئی کارانی وزیر  سینیٹر  محمد اسحاق ڈار ءَ مالدیپ ءِ دری کارانی وزیر اریتھوشام آدمو ءَ گوں گند ءُ نند کتگ، دو نیمگی سیادی آنی سر ءَ چار ءُ تپاسی

نیویارک۔24ستمبر  (اے پی پی): نیویارک ءَ اقوام متحدہ ءِ جنرل اسمبلی ءِ 81می دیوان ءِ ساھت ءَ نائب مزن وزیر ءُ درئی کارانی وزیر سینیٹر  محمد اسحاق ڈار ءَ مالدیپ ءِ درئی کارانی وزیر اریتھوشام آدمو ءَ گوں گند ءُ نند کت۔ پنچ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ دو نیمگی سیادی آنی چار ءُ تپاسی کنگ بوتگ ءُ پاکستان ءُ مالدیپ ءِ سیادی آنی جوانیں دیمروئی ءِ سر ءَ دل یکیمی ءِ درشان کنگ بوتگ۔ دوئیں نیمگ ءَ برجاھیں مزنیں تک ءِ رابطہ آنی ارزشت ءِ سر ءَ تپاک کنگ بوتگ ءُ تجارت، رابطہ، اقتصادی سیادی، کاروباری سیادی، وانگ ءُ زانگ ءُ تربیت ءُ دفاع ءِ پڑ آنی تہ ءَ کمک ءَ را گیش مھکم کنگ ءِ سر ءَ تپاک کنگ بوتگ۔ نائب مزن وزیر ءُ دری کارانی وزیر محمد اسحاق ڈار ءُ مالدیپ ءِ دری کارانی وزیر ءَ ھم اقوام متحدہ، او آئی سی ءُ سارک ءَ ھوار کثیر جہتی تک ءَ گیش کمک ءِ ضلورت ءِ سر ءَ زور پر دات ءُ وت مہ وتی مفاد ءِ جیڈھ آنی سر ءَ نزیکیں کمک ءَ را برجاہ دارگ ءِ وتی جزم ءِ سر ءَ پدا زور پر دات۔ مالدیپ ءِ دری کارانی وزیر ءَ وتی ملک ءِ پاکستان ءِ گوما وتی دیریں سیادی ءَ را گیش مھکم کنگ ءِ جزم ءِ سر ءَ زور پر دات۔