نائب مزن وزیر ءُ دری کارانی وزیر اسحاق ڈار ءَ خلیج کمک کونسل ءِ سیکرٹری جنرل جاسم محمد البدوی ءَ گوں گند ءُ نند کتگ، دو نیمگی کمک ءَ را گیش کنگ ءِ راہ ءُ درانی سر ءَ گپ ءُ تران

نیویارک۔24ستمبر  (اے پی پی): نائب مزن وزیر ءُ درئی کارانی وزیر اسحاق ڈار ءَ اقوام متحدہ ءِ جنرل اسمبلی ءِ 81می دیوان ءِ ساھت ءَ خلیج کوآپریشن کونسل ءِ سیکرٹری جنرل جاسم محمد البدوی ءَ گوں گند ءُ نند کتگ ءُ   سرمایہ کاری ءِ تہ ءَ گیشی ءِ راہ ءُ درانی سر ءَ گپ ءُ تران کتگ۔ ہدوہناکی. درئی کارانی کارگس ءِ نیمگ ءَ جاڑی بوتگیں بیان ءِ رد ءَ جی سی سی ءِ سیکرٹری جنرل ءَ گپ ءُ تران ءُ سفارتکاری ءِ وسیلگ ءَ دمگی امن ءُ ایمنی ءِ دیمروئی ءِ تہ ءَ پاکستان ءِ سرگرمیں کرد ءَ را ساڑات ءُ جی سی سی ءُ ایشی ءِ باسکیں ملک آنی گوما پاکستان ءِ نزیکیں شریکداری ءَ را من اِت۔ نائب مزن وزیر ءُ دری کارانی وزیر اسحاق ڈار ءَ پاکستان ءُ جی سی سی ءِ سیادی ءُ کمک ءَ را گیش مھکم کنگ ءِ واستہ پاکستان ءِ جزم ءِ سر ءَ زور پر دات۔ دوئیں رہشوناں تجارت، سرمایہ کاری، توانائی، ایمنی ءُ وت مہ وتی مفاد ءِ دگہ پڑ آنی تہ ءَ کمک ءَ را گیش کنگ ءِ ھوالگ ءَ ھیال ءُ لیکہ ءِ درشان کت ءُ دمگی امن، مھکم ءُ وشھالی ءِ واستہ یکجا کار کنگ ءِ وتی جزم  ءِ درشان۔