نائب مزن وزیر محمد اسحاق ڈار ءَ جرمنی ءِ درئی کارانی وزیر ءَ گوں گند ءُ نند کت، بیپار، سرمایہ کاری ءُ اے دگہ شوبگ آنی تہ ءَ کمک ءَ را گیش کنگ ءِ سر ءَ تپاک

نیویارک۔24ستمبر  (اے پی پی): نائب مزن وزیر ءُ دری  کارانی وزیر  محمد اسحاق ڈار ءُ جرمنی ءِ دری کارانی وزیر جوہان ویدھول ءَ دوئیں ملک آنی نیام ءَ تجارت، سرمایہ کاری، دفاع، وانگ ءُ زانگ، ہنرمندیں مردمی قوت ءُ راجی سیادی ءِ پڑ ءَ کمک ءَ را گیش کنگ ءِ سر ءَ تپاک کتگ۔ پنچ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نیویارک ءَ اقوام متحدہ ءِ جنرل اسمبلی ءِ 81می دیوان ءِ ساھت ءَ نائب مزن وزیر ءُ درئی کارانی وزیر سٹرب محمد اسحاق ڈار ءَ جرمنی ءِ دری کارانی وزیر جوہان ویدھول ءَ گوں گند ءُ نند کتگ۔ دوئیں راہشون آں پاکستان ءُ جرمنی ءِ نیام ءَ سفارتی سیادی ءِ برجائی ءِ 75 سال ءِ سر ءَ یک ءُ دومی ءَ را مبارک بات دات ءُ دیریں ءُ دوستی ءِ دو نیمگی سیادی ءَ را گیش مھکم کنگ ءِ واستہ مزن تک ءِ رابطہ آنی برجاہ دارگ ءِ ارزشت ءِ سر ءَ پدا زور دات۔ ایشاں دو نیمگی کمک ءَ را گیش وسعت دیگ ءِ راہ آنی سر ءَ تران کت، ھاسیں رنگ ءَ تجارت، سرمایہ کاری، اقتصادی سیادی ءُ کاروباری رابطہ آنی پڑ ءَ ءُ دفاع، وانگ ءُ زانگ، ہنرمندیں مردمی قوت ءُ مردم آنی نیام ءَ رابطہ آنی پڑ ءَ کمک ءَ را گیش کنگ ءِ سر ءَ تپاک کت۔ گند ءُ نند ءَ دمگی جاورانی بابت ءَ ھم گپ ءُ تران کنگ بیت ۔ جرمنی ءِ دری کارانی وزیر ءَ گپ ءُ تران ءُ سفارتکاری ءِ وسیلگ ءَ دمگی امن ءُ ایمنی ءِ دیمروئی ءِ واستہ پاکستان ءِ جوڑیشت ءِ کرد ءَ را ساڑات۔ ایشاں فلسطین ءِ جاور ھال آنی سر ءَ ھم گپ ءُ تران کت، وھدیکہ نائب مزن وزیر ءُ دری کارانی وزیر ءَ جنگ بندی، انسانی کمک ءُ دو ریاستی گیواری ءِ بنیاد ءَ انصاف ءُ دائمی گیواری ءِ واستہ جھان ءِ تک ءَ برجاھیں کوشست آنی ارزشت ءِ سر ءَ زور پر دات۔ دوئیں رہشوناں نزیکیں رابطہ ءِ تہا دارگ ءِ سرا تپاک کتگ۔