اقوام متحدہ۔ 02مارچ (اے پی پی) شامی صوبہ حلب اٹی دمشق حکومت و باغی ہڑتوم آ ک ہی جنگی ڈوہ تا مرتکب مسنو۔ اقوام متحدہ نا جاست وپاستی احوال نا رداٹ خانہ جنگی ٹی حلب ئِ ڈمب انا ڈھیر اس جوڑ کننگانے۔ داٹی شامی فوج کیمیائی گیس ئِ کاریم اٹ ایسوسس۔ مستی داکہ حلب انا نواحی علاقہ ٹی امدادی قافلہ ئِ رزاک اٹ ڈٹ بندی اتون نشانہ جوڑ کننگاسس تانکہ زہمی بندغ آتا امداد ئِ بھس کننگ مرے۔ داواقعہ ٹی دہ راجی کارندہ تپاخت کریسر۔ دارپورٹ اٹی دادے بے رحمانہ جلہو گوندنگا۔ داواقعہ غان پد شام انا محصور علاقہ غاتیٹی امدادی کارروائیک کیہی دے اسکان بند مسوسر۔
