اسلام آباد۔ 02مارچ (اے پی پی) پاکستان اٹی رہینگوک رجسٹرڈ اوغان مہاجر آتا وطن آ پدی ہِننگ نا چرجوئی پین اسہ تواسے کن پد بٹنگا وخت اس کہ دُوارہ وطن آ پدی ہِننگ نامرحلہ یکم اپریل آن بناکیک۔ یو این ایچ سی آر نا نمائندہ قیصر آفریدی پنچ شنبے آ ”اے پی پی“ تون ہیت وگپ کرسا پارے کہ پاکستان اٹی رہینگوک رجسٹرڈ اوغان مہاجر آتا وطن آ پدی ہِننگ یخ انا موسم نا سوب پدبٹنگاسس ہرادے یکم مارچ آ بنامروئی ئس ولے اوغانستان اٹی برف باری و شدید یخ انا سوب رجسٹرڈ اوغان مہاجر آتا وطن آ پدی ہِننگ ئِ پین اسہ تو اسے کن پد بٹنگانے۔ دا مرحلہ داسہ یکم اپریل آن بناکیک۔
