خانکندی۔4جولائی (اے پی پی): مزن وزیر محمد شہباز شریف ءُ ترکی ءِ صدر رجب طیب اردوان ءَ پاکستان ءُ ترکی ءِ نیام ءَ درستیں ھاسیں پڑ آنی تہ ءَ سیادی آنی تہ ءَ بامردیں پیشرفت ءِ واستہ وتی جزم ءِ یک رند ءَ پدر کتگ۔ دوئیں بامرد آں تجارت، دفاع، توانائی، دمگی رابطہ ءُ سرمایہ کاری ءِ شوبگ آنی تہ ءَ کمک ءَ را گیش مھکم کنگ ءِ ارزشت ءِ سر ءَ زور پر دات۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ 17می ایکو سروک دیوان ءِ ساھت ءَ ترکی ءِ صدر رجب طیب اردوان ءَ گوں گند ءُ نند کتگ۔ دوئیں رہشوناں ترکی ءُ پاکستان ءِ دو نیمگی سیادی آنی سر ءَ سرجمیں چار ءُ تپاسی کتگ ءُ دمگی ھاسیں دیمروئی آنی سر ءَ گپ ءُ تران کتگ۔ دوئیں بامرد آں توامیں ھاسیں شوبگ آنی تہ ءَ پاکستان ءُ ترکی ءِ سیادی آنی تہ ءَ بامردیں پیشرفت ءِ واستہ وتی جزم ءِ یک رند ءَ پدر کت۔ دوئیں بامرد آں تجارت، دفاع، توانائی، دمگی رابطہ ءُ سرمایہ کاری ءِ شوبگ آنی تہ ءَ کمک ءَ را گیش مھکم کنگ ءِ ارزشت ءِ سر ءَ زور پر دات۔ اے مکسد ءِ واستہ گند ءُ نند ءَ دوئیں ملک آنی نیام ءَ مزن تک ءِ ڈل آنی مٹ ءُ بدل کنگ ءِ سر ءَ تپاک کنگ بوتگ تانکہ دوئیں سروک آنی نیام ءَ بوتگیں مفاہمت ءَ را زوتاں چہ زوت ھلاس کنگ بہ بیت۔ مزن وزیر شہباز شریف ءَ خطہ ءَ امن، برجائی ءُ پائیدار دیمروئی ءِ یکجائی مول ءُ مراد آناں دیم ءَ برگ ءِ واستہ ترکی ءِ گوما کار کنگ ءِ پاکستان ءِ بے دروریں جزم ءِ سر ءَ زور پر دات۔
