خانکندی۔4جولائی (اے پی پی): مزن وزیر محمد شہباز شریف ءَ آذربائیجان ءِ شہر خانکندی ءَ 17می اقتصادی کمک ءِ گل ءِ سروک دیوان ءِ ساھت ءَ ایران ءِ صدر ڈاکٹر مسعود پیز شکیان ءَ گوں گند ءُ نند کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ گند ءُ نند ءِ ساھت ءَ دوئیں سروک آں پاکستان ءُ ایران ءِ نیام ءَ توامیں پڑ آنی تہ ءَ جاری دو نیمگی کمک آنی سر ءَ چار ءُ تپاسی کتگ ءُ پاکستان ءِ نیام ءَ سیادی ءَ را گیش مھکم کنگ ءِ واستہ وتی گوستگیں گند ءُ نند ءِ ساھت ءَ کتگیں پیسلہ آنی سر ءَ پیشرفت ءِ سر ءَ دل یکیمی ءِ درشانی کتگ۔ دوئیں رہشوناں ایران ءِ سر ءَ اسرائیل ءِ بے جاہیں زوراکی ءِ رد ءَ پیداکیں دمگی جاور ھال آنی سر ءَ ھم گپ ءُ تران کتگ۔ مزن وزیر ءَ ایران ءِ صدر ڈاکٹر مسعود پیز شکیان ءِ سروکی ءَ را ساڑات ءُ گوستگیں بحران ءِ وھد ءَ ایران ءِ جنگ بندی ءِ پیسلہ ءَ را ساڑات۔ مزن وزیر ءَ ایران ءِ الس ءُ حکومت ءِ گوما پاکستان ءِ بے دروریں یکوئی ءِ یکوئی ءِ پدرائی کت ءُ پڑ ءَ امن ءِ واستہ گپ ءُ تران ءُ سفارتکاری ءِ وسیلگ ءَ ایران ءِ گوما کار کنگ ءِ پاکستان ءِ مھکمیں جزم ءِ یکوئی ءِ پدرائی کت۔ گند ءُ نند ءِ ساھت ءَ ایران ءِ صدر ڈاکٹر مسعود پیششکیان ءَ گوستگیں بحران ءِ وھد ءَ ایران ءِ واستہ پاکستان ءِ مھکمیں سفارتی کمک ءِ توسیپ کت ءُ جیڈھ ءِ ھلاسی ءِ تہ ءَ پاکستان ءِ ھاسیں کرد ءِ سر ءَ منت واری درشان کت۔ مزن وزیر ءَ ایران ءِ صدر ءَ را ھم مبارکی ءُ نیکیں واھگ آنی کلوہ ھم دات۔
