خانکندی۔4جولائی (اے پی پی): مزن وزیر محمد شہباز شریف ءُ ازبکستان ءِ صدر شوکت میرزیوف ءَ پاکستان ءُ ازبکستان ءِ نیام ءَ دو نیمگی ءُ کثیر نیمگی تک ءَ مھکمیں کمک ءِ سر ءَ وشھالی ءِ درشانی کتگ ءُ جتا جتائیں پڑ آنی تہ ءَ کمک ءَ را گیش کنگ ءِ سر ءَ تپاک کتگ ایشی ءِ تہ ءَ تجارت ءُ سرمایہ کاری، توانائی، دمگی سیادی، وت مہ وتی سیادی ھوار اَنت۔ تبادلہ کنت۔ دوئیں رہشوناں پاکستان ءُ ازبکستان ءِ نیام ءَ دیریں براتی کمک ءَ را گیش گہتری ءُ تنوع ءِ واستہ وتی عزم ءِ یک رندے پدر کت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ آذربائیجان ءِ شہر خانکندی ءَ 17می ایکو سروک دیوان ءِ ساھت ءَ ازبکستان ءِ صدر شوکت میرزیوف ءَ گوں گند ءُ نند کتگ۔ دوئیں راہشون آں پاکستان ءُ ازبکستان ءِ نیام ءَ دو نیمگی ءُ کثیر نیمگی تک ءَ مھکمیں کمک ءِ سر ءَ دل یکیمی ءِ درشان کت۔ مزن وزیر ءُ ازبکستان ءِ صدر ءَ دوئیں ملک آنی نیام ءَ دود ءُ ربیدگی، تہذیبی ءُ راجدپتری سیادی آنی سر ءَ زور پر دات کہ ایشی ءَ چہ بازیں پڑ آنی تہ ءَ مھکمیں شریکی ءِ واستہ مھکمیں بنیات ءِ پجارینگ بیت۔ دوئیں رہشون آنی نیام ءَ تجارت ءُ سرمایہ کاری، دو نیمگی سیادی، توانائی، دمگی ایمنی، دود ءُ ربیدگ ءُ مردم آنی نیام ءَ تبادلہ ءِ ھوار جتا جتائیں پڑ آنی تہ ءَ کمک ءَ را گیش کنگ ءِ سر ءَ تپاک کنگ بوتگ۔ گند ءُ نند ءِ ساھت ءَ دوئیں بامرد آں دمگی رابطہ ءِ منصوبگ ھاسیں رنگ ءَ ٹرانس افغان ریلوے منصوبگ ءِ ارزشت ءِ سر ءَ زور پر دات۔ اے ھاتر ءَ مزن وزیر شہباز شریف ءُ ازبکستان ءِ صدر ءِ نیام ءَ وتی مزنیں وزیر آنی تاشقند ءُ اسلام آباد ءِ تر ءُ تاب ءِ سر ءَ تپاک کنگ بوتگ تانکہ اے معاہدہ آناں گڈی رنگ دیگ بہ بیت۔ دوئیں رہشوناں پاکستان ءُ ازبکستان ءِ نیام ءَ دیریں براتی کمک ءَ را گیش گہتری ءُ تنوع ءِ واستہ وتی عزم ءِ یک رندے پدر کت۔ دوئیں رہشون آں یکجائی دلچسپی ءِ دمگی ءُ جھان ءِ جیڈھ آنی سر ءَ ھم ھیال ریچی کتگ۔
