اسلام آباد۔ 02 مارچ (اے پی پی) اقوام متحدہ نا ذیلی ادارہ مہاجر پاکستان اٹی رجسٹرڈ اوغان مہاجر آتا پنچ سال آن کم وئی چناتا رجسٹریشن نا چرجوئی نا بنائِ کرینے۔ داوخت اسکان اسہ لکھ 95 ہزار 873چناتے رجسٹرڈ کننگانے۔ یو این ایچ سی آر نا نمائندہ پنچ شنبے آ ”اے پی پی“ تون ہیت وگپ کرسا پارے کہ مچ آ ملک اٹی رجسٹرڈ اوغان مہاجر آتے مطلع کننگاسس کہ رجسٹرڈ مہاجر تینا پنچ سال آن کم وئی چناتا یو این ایچ سی آر نا اڈ تروک آ بنجاٹی رجسٹریشن ئِ کرفیر تانکہ اوفتے وطن آ پدی ہِننگ آ مشکل آتون مون تروئی تمپ۔ اوپارے کہ گدرینگوک آ سال اٹی اسہ لکھ 73ہزار 733پنچ سال آن کم وئی چناتا رجسٹریشن کننگانے وخت اس کہ اینخو سال 22ہزار 141چناتا رجسٹریشن کننگانے ہراکہ جم وڑاٹ اسہ لکھ 95ہزار 873کچ جوڑ مریک۔ اوپارے کہ رجسٹرڈ مروک آ پنچ سال آن کم وئی چناتے وطن آ پدی ہِننگ نا وخت آ یو این ایچ سی آر نا کنڈآن 400 ڈالر تننگ انگ ئِ۔
