اسلام آباد۔ 28 فروری (اے پی پی) وزیر مملکت اطلاعات، نشریات و قومی میرات مریم اورنگزیب تون سعودی سفیر عبداللہ مرزوق الزہرانی اوڑدہی کرے ہراٹی تین پہ تینی است خواہی نا معاملہ غاتیا خیال آتا درشانی کننگا۔ وزیر مملکت مریم اورنگزیب داوخت آ پارے کہ وزارت اطلاعات و دودوربیدہ ہر ملک انا تشخص ئِ تالان کننگ اٹی منفرد نا کڑد و جتا تہذیب و دودوربیدہ غاتے خڑک اتنگ اٹی اہم کڑد ادا کیک ۔ اوپارے کہ وزارت اطلاعات، مابت ، امن و ہم آہنگی نا جہانی اقدار ئِ مون آ درسا تہذیب آتے خڑک اتنگ اٹی کڑد ادا کیک۔ اوپارے کہ پاکستان نا سعودی عرب تون خڑکی تعلقداری ئِ، ہڑتوم آ ملک چندی بشخ آتیٹی اسہ ایلو تون کمک کننگ اٹی ئُ داڑتون اوار اوار ہڑتوم آ ملک جہانی امن و ہم آہنگی کن ہم اسہ ایلو تون کمک کننگ ئُ۔ اوپارے کہ پاکستان و سعودی عرب ہمیشہ اسہ ایلو تون تفینو، پاکستان سعودی عرب نا تین پہ تینی کمکاری تینا الس و مسلم امہ نا مفاداٹی برجاسلک۔ اوپارے کہ حرمین شریفین نا سوب پاکستان و سعودی عرب نا مابت و مذہبی عقیدت نا رشتہ ئِ۔ سعودی سفیر عبداللہ مرزوق الزاہرانی پارے کہ دوستانہ تعلقداری تا مون آ دننگ اٹی میڈیا نا کڑد اہم ئِ۔ اوپارے کہ اطلاعات و دودوربیدہ تون اوار چندی بشخ آتیٹی خڑکی کمکاری المی ئِ۔ سعودی سفیر وزیر مملکت مریم اورنگزیب ئِ سعودی عرب نا دورہ نا سلہ خلک۔
