کراچی ءَ  یک شلی ءَ  پبلک کنوینیشن سنٹر جوڑ کنگ ءِ پیسلہ کنگ بوتگ، چیئرمین ایف بی آر نوں ھمک ماہ ءِ دومی ھپتگ  ءَ اھوالکارانی ہمراہی ءَ کراچی ءِ تر ءُ تاب ءَ کنت، وفاقی وزیر خزانہ محمد اورنگزیب

اسلام آباد۔24جون  (اے پی پی): وفاقی وزیر خزانہ سینیٹر محمد اورنگزیب ءَ گوشت کہ مزن وزیر ءِ ھاسیں ہدایت ءِ رد ءَ کراچی ءَ  یک شلی ءَ  پبلک کنوینیشن سنٹر جوڑ کنگ ءِ پیسلہ کنگ بوتگ، وفاقی بورڈ آف ریونیو ءِ چیئرمین نوں ھمک ماہ ءِ دومی  ھپتگ  ءَ اھوالکار آنی گوما کراچی ءِ تر ءُ تاب ءَ کنت۔ جاہ. چار شمبے ءِ روچ ءَ راجی اسمبلی ءَ آیوکیں مالی سال ءِ وفاقی بجٹ ءِ منظوری ءِ کار سرجم بوھگ ءَ پد آئی ءَ بجٹ ءِ منظوری ءِ سر ءَ منت واری درشان کت ءُ گوشت کہ پارلیمنٹ گس ءَ بجٹ دیوان ءِ وھد ءَ شپ ءُ روچ کار کتگیں افسر ءُ کارندہ آنی ازمت آناں ساڑائی کنگ بہ بیت۔ اے موہ ءِ سر ءَ آئی ءَ بجٹ ءِ دیوان ءَ کار کنوکیں جتا جتائیں محکمہ آنی افسر ءُ کارندہ آناں 6 بنجاہی پگار ءِ برابر اعزاز ءِ جار جتگ۔ آئی ئَ گوشت کہ بجٹ ئِ منظوری ئِ کار سر ئَ سرجم کنگ بوتگ۔ آڈیٹر جنرل ءِ رپوٹ آنی حوالہ ءَ آئی ءَ گوشت کہ آئین ءِ رد ءَ اے المی اِنت کہ سرکاری فنڈز ایوک ءَ وتی داتگیں مول ءُ مراد آنی واستہ کارمرد کنگ بہ بنت ءُ کانود ءِ رد ءَ اے وڑیں رپوٹ پاکستان ءِ سرکاری مالیاتی احتساب ءِ نظام ءَ بنیاتی کرد پیلو کن اَنت۔ آئی ءَ گوشت کہ ملکی راجدپتر ءَ اولی رند ءَ پارلیمنٹ ءَ ھمگرنچیں مالی سال ءِ تہ ءَ وفاقی حکومت ءَ گوں سیادی داروکیں آڈٹ رپوٹ پیش کنگ بوھگ ءَ انت۔ آئی ءَ گوشت کہ اے پیشرفت مالیاتی شفافیت، جوانیں آڈٹ نگرانی ءُ پارلیمانی نگرانی ءَ را مھکم کنگ ءِ حکومت ءِ جزم ءِ درشان اِنت۔ وفاقی وزیر ءِ ھزانگ ءَ پاکستان ءِ آڈیٹر جنرل ءُ آئی ءِ ٹیم ءَ را پیشہ وارانہ ، لگن ءُ محنت ءِ گوما وتی آئینی ذمہ واری آناں پیلو کنگ ءِ پد ءَ   توسیپ ءُ ستا  کت۔