منی گوں مولانا فضل الرحمن ءَ کوھنیں  سیادی ءُ شرپ ءِ  است انت، آئسولیشن ءَ گوں آئی ءَ گپ ءُ تران مدام راز ءِ تہا مانیت، مزن وزیر شہباز شریف

اسلام آباد۔24جون  (اے پی پی): مزن وزیر محمد شہباز شریف ءَ گشتگ کہ مولانا فضل الرحمن ءِ گوما آئی ءِ دیریں سیادی ءُ شرپ ءِ سیادی است انت، آئسولیشن ءَ آئی ءُ مولانا ءِ نیام ءَ بوتگیں ہما گپ ءُ تران مدام راز ءِ تہا مان انت۔ چار شمبے ءِ روچ ءَ راجی اسمبلی ءِ دیوان ءَ مولانا فضل الرحمن ءِ گشتانک ءِ ھوالگ ءَ وتی ھیال آنی درشان کنان ءَ مزن وزیر ءَ گوشت کہ مولانا فضل الرحمن ءِ گوما منی گوں دیریں سیادی اِنت، آئی ءُ مولانا ءِ نیام ءَ آئسولیشن ءِ تہ ءَ بوتگیں گپ ءُ تران تاں روچ ءِ رازداری ءَ مانیت۔ ایشی ءَ چہ پیسر وھدے مزن وزیر ایوان ءَ سر بوت گڈا باسک آں ڈیسک آناں زنگ جنان ءَ آئی ءَ را وش آتک کت۔ مزن وزیر ءَ سدک ءَ اپوزیشن ءِ سیٹ آنی سر ءَ شت ءُ اولی رند ءَ نشتگیں اپوزیشن ءِ باسک آنی گوما دست ءُ دیم کت کہ ایشی ءِ تہ ءَ اپوزیشن ءِ سروک اپوزیشن لیڈر محمود خان اچکزئی، گوہر علی خان، مولانا فضل الرحمن، لطیف کھوسہ، حمید حسین  ھوار اَنت۔ آئی ءَ لہتیں وھد ءَ مولانا فضل الرحمن ءَ گوں ھم گپ ءُ تران کتگ ۔ پد ءَ ایوان ءَ مولانا فضل الرحمن ءِ نیمگ ءَ چست بوتگیں لھتیں گپ آنی پسو ءَ آئی ءَ گوشت کہ مولانا فضل الرحمن ءِ گوما منی جوانیں سیادی است انت ءُ آئی ءِ گوما عزت مندیں سیادی ھم است انت۔ من آئی ءِ گپ اشکتگ انت۔ من ءَ باز براں مولانا فضل الرحمن ءَ گوں دوچار کپیت۔ منی ءُ آئی ءِ میان ءَ انزوا ءَ بوتگیں چیز داں قیامت ءَ راز اَنت ءُ گوں من کبر ءَ رو اَنت۔ پد ءَ مولانا فضل الرحمن ءَ بچکند اِت ءُ گوشت کہ مزن وزیر ءِ نیمگ ءَ ھما مھر ءِ ستا ءَ کن آں کہ مزن وزیر ءَ درشان کتگ ۔ اگاں آ انزوا ءَ بوتگیں چیزاں سرکاری بہ کنت گڑا آ زھر نہ بیت، ایشی ءِ سر ءَ مزن وزیر ءَ گوشت کہ آ وتی سخاوت ءِ بنیاد ءَ مولانا فضل الرحمن ءِ پیشکش ءَ منّگ ءَ نہ اِنت پرچا کہ ایشی ءَ چہ کار دور ءَ سر بنت۔ بلاول بھٹو زرداری ھم وتی جاہ ءَ شت ءُ مزن وزیر ءَ گوں دست ءُ دیم کت۔