اسلام آباد۔28فروری ( اے پی پی ) دری کارانی صلہ کار سرتاج عزیز ئَ گشتگ کہ اقتصادی کمک تنظیم ( ای سی او) خطہئَ را مھکمیں بلاکے ئِ تہا مٹ کنگئِ ھاترئَ یک جائی کوشستانی ضلورت اِنت، دمگی نزیکی آنی کمی اقتصادی کمک ئِ تہا مزنیں رکاوٹ اِت، پاکستان خطہ ئَ را اقتصادی وشھالی ءُ دیم روئی ئَ گوں نزیک کنگئِ ای سی او ئِ زات کاری آنی سرئَ سرجم ئَ یقین کنت، انوگیں وھدئَ دگنیا ئِ تہا امن ءُ ایمنی ءُ مھکمی تنا بوت بوت نہ کنت، ای سی او ئِ باپاری منءُ گرآنی سرئَ عمل درآمد ، باپاریءُ بے باپاری رکاوٹ آں دور کنگءُ خطہ ئِ تہا آزاتیں باپاری زون جوڑ کنگئِ ضلورت اِنت۔ سئے شمبےئِ روچئَ اقتصادی کمک تنظیم ئِ وزرائے خارجہ ئِ کونسل ئِ 22می اجلاس ئِ چیئرمین شپ ئِ زمہ واری سنبھالگ ئَ پد تران کنان ئَ دری کارانی صلہ کارئَ خطہ ئِ دراھیں انسانی ءُ مادی آسراتی ئَ چہ پاھدگ چست کتگءُ ای سی او ئَ را یک مھکمیں اقتصادی بلاکے ئِ تہا مٹ کنگ مولءُ مراد ئَ چہ یک جائی کوشستانی ضلورت ئِ سرئَ زور پِر داتگ۔
