اسلام آباد۔ 28 فروری (اے پی پی) ایران ئِ صدر حسن روحانی 13سیزدھمی اقتصادی کمکی گل ( ای سی او) سربراہ دیوان ئَ بھر زوری کنگ ئِ ھاترا سئے شمبے ئَ اسلام آباد ئَ سر بوت۔ وزیر ئِ سیفران عبدالقادر بلوچ ئَ نور خان ائر بیس ئِ سر ئَ مڈاھداریں مہمان آناں وش اتک کُت۔ ایرانی درئی کارانی وزیر جواد ظریف ھم اے موہ ئِ سر ئَ ساڑی اَت۔ ایران ئِ صدرئَ را گوں داد وش اتک کُت، حسن روحانی ئِ سر بوھگ ئَ آرا بیست ئُُ یک ٹوپ آنی سلامی دیگ بوت۔ پاکستان ائر فورس ئِ ورنا آں آر گارڈ آف آنر پیش کُت۔ اے موہ ئِ سر ئَ پاکستان ئُُ ایران ئِ راجی سوت الہان ھم کنگ بوت اَنت۔
