اسلام آباد۔ 28 فروری (اے پی پی) پاکستان مسلم لیگ (ن) نا راہشون حنیف عباسی پارے کہ پاکستان غٹ آن مست آف شور کمپنی اس عمران خان جوڑ کرے، پاکستان نا عدالت آک آجوئُ، او انت کہ فیصلہ اس کیرہ اودے نن امنا کینہ۔ سپریم کورٹ نا پیشن میڈیا تون ہیت وگپ کرسا اوپارے کہ سپریم کورٹ اٹی عمران خان نا برخلاف دائر کروک اونا پٹیشن آن داہیت صفا مریک کہ دروغ و تنز ومزاح ئِ مون آ دننگ، ایلوفتیا دوبہ خلنگ ، عدالت اٹی اخباری تراشہ و کاغد نا ردی نا دلیل تروک آتے پاکستان اٹی سیاست کننگ نا ہچ ئُ حق اس اف۔ اوپارے کہ عمران خان نا تینا آف شور کمپنی اس ئس وخت اس کہ او دوبہ ایلوفتیا خلک۔ اوبے نامی نا ہیت ئِ کرے و تینکن زائیفہ غان ٹیکی ہلنگ ئِ روا گوندا۔ حنیف عباسی پارے کہ پاکستان اٹی ہندن ئُ بندغ ہم ارے ہرانا تینا جماعت پیشن نا پیسہ غاتیان چلینگک ولے ہراتم ہموبندغ آن حساب خوائفنگک کہ دا پیسہ غاک امر بسر تو او اونا ورندی ئِ تننگ کن ہم تیار اف۔ اوپارے کہ عمران خان ہمیشہ پاکستان نا شونداری و شونہالی نا ہر کاریم اٹی اڑاند شاغسا بسنے۔ ہراتم پاکستان نا امن نا ہیت مریک تو اوٹی ہم اڑاند جوڑمریک، داوخت پاکستان اٹی پی ایس ایل نا فائنل مننگ والا ئِ و مخ تفی آن بیدس او داعمل ئِ پاگل پن گوندنگ ئِ۔
