کراچی۔ 28 فروری (اے پی پی) گورنر سندھ محمد زبیر پارے کہ چین پاکستان اقتصادی راہداری نا پوروی آن ملک اٹی شونداری و شونہالی نا پوسکن و سنہری دور انا بنامریک ہراٹی کراچی پورٹ انا کڑد پین ودک، دارداٹ پورٹ انا ودیکی بے کچ المیئِ۔ داخیال آتا درشانی ئِ او کراچی پورٹ ٹرسٹ (کے پی ٹی) نا چیئرمین وائس ایڈمرل (ر) شفقت جاوید تون گورنر ہاﺅس اٹی اوڑدہی ٹی کرے۔ اوڑدہی ٹی ملکی معیشت اٹی کے پی ٹی نا کڑد و تین پہ تینی است خواہی نا ایلو معاملہ غاتیا سرجم خیال آتا درشانی کننگا۔ گورنر سندھ پارے کہ ملکی درآمدات و برآمد آتیٹی کے پی ٹی نا اہمیت غٹ آ پاش ئِ ۔ اونا پاننگ ئس کہ ملکی معیشت نا مون آدننگ اٹی کراچی پورٹ نا اہمیت ودنگ آن روزگار نا بھلو وارخواہی اس دستیاب مریک وخت اس کہ صوبہ ٹی معاشی سرجزآتیٹی ودکی مریک۔ اوڑدہی ٹی کراچی پورٹ ٹرسٹ نا چیئرمین وائس ایڈمرل (ر) شفقت جاوید گورنر سندھ ئِ وپورٹ انا آپریشن نا بابت بریفنگ تس۔
