اسلام آباد۔ 28 فروری (اے پی پی) اسلام آباد ایکسپریس وے آ کورال انٹرچینج ئِ ای سی او کانفرنس کن بروک آ وی آئی پی موومنٹ کن سے شنبے نا دے ملفنگا، کانفرنس آن پددادے لس ٹریفک کن ملفنگک۔ اسلام آبا د ایکسپریس وے ڈٹ انا رداٹ کھنہ و سوہان انٹرچینج آ جوڑجاڑی کاریم برجائِ۔ سی ڈی اے کمامدارآک ”اے پی پی“ ئِ پاریر کہ بنجائی شونداری ادارہ (سی ڈی اے) ایکسپریس وے آ کورال انٹرچینج آ جوڑجاڑی کاریم گدرینگوک آسال بناءکریسس و بنجائی حکومت و میئر اسلام آباد و چیئرمین سی ڈی اے شیخ انصر عزیز نا خصوصی است خواہی نا سوب آن دا ڈٹ ئِ تخوک آ وخت اٹی پورو کننگا ہراڑآ 1.7 بلین روپئی ناخڑچ بسنے۔ کمامدارآتارداٹ اسلام آباد ایکسپریس وے آ کورال انٹرچینج نا جوڑ جاڑ آن دا اختہ انگا چوک سگنل فری مسنے و دانا جوڑ جاڑ آن شاری تےکن ٹریفک اٹی آسانی مریک۔ کمامدارآتارداٹ کورال انٹرچینج ای سی او کانفرنس کن بروک آ وی آئی پی موومنٹ کن سے شنبے آ ملفنگانے کانفرنس آن پد دادے لس ٹریفک کن ملفنگک۔ اسلام آباد ایئر پورٹ ہنوک آ ہڑتوم آ لوپس آتیا جدید ایل ای ڈی لیٹ خلنگانے۔ کمامدارآتارداٹ کورال انٹرچینج آ لینڈ سکیپنگ کننگانے و زیبائی کن نیال ہم خلنگانے۔ اسلام آباد ایکسپریس وے آ کورال انٹرچینج آ مسہ انڈر پاسز و اسہ فلائی اووراس جوڑ جاڑ کرینے۔ سی ڈی اے اولیکو مرحلہ ٹی زیروپوائنٹ آن فیض آباد اسکان ہڑتوم آ کنڈآتیا چار رویہ 4کلو میٹر سڑک و آئی ایٹ چوک آ انٹرچینج نا جوڑ جاڑ نا کاریم ئِ پورو کرینے ہراڑآ ٹریفک راہی روان ئِ۔ ایکسپریس وے آ شاہراہ نا ودیکی تون اوار اوار انڈر و اوورپاسز نا جوڑ جاڑ، جدید ٹریفک سینٹر نا اڈتننگ و سیکورٹی سسٹم نا تنصیب ہم ڈٹ انا بشخ ئِ۔ اسلام آباد ایکسپریس وے ڈٹ آ جم وڑاٹ 21.787ارب روپئی خڑچ بریک۔ اوپارے کہ بنجائی شونداری ادارہ سی ڈی اے کھنہ و سوہان انٹرچینج آ جوڑ جاڑی کاریم نا بنائِ کرینے۔ داڈٹ آ 2.05بلین روپئی نا خڑچ بریک دا ڈٹ اینخو سال انا ایسر اٹی پورو مریک۔
